Lɛta Fɔ Filipay 1:9 - Krio Fɔs Oli Baybul

⁹ A de pre fɔ mek una lɛk Gɔd ɛn una kɔmpin mɔtalman mɔ ɛn mɔ, ɛn mek una no bɔt Gɔd mɔ ɛn mɔ, ɛn sabi mɔ ɛn mɔ wetin gud ɛn wetin bad,

Lɛta Fɔ Filipay 1:9 Iomraidhean Croise

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

Di Sam Dɛm 119:66

Tich mi fɔ no yu lɔ dɛn ɛn aw fɔ mekɔp mi maynd fɔ du gud, bikɔs a biliv wetin yu lɔ se.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

1 Kɔrint 14:20

Mi kɔmpin Kristiɛn dɛn, una nɔ fɔ de tink lɛkɛ pikin, una fɔ tan lɛkɛ pikin wɛn i kam pan bad, bɔt una fɔ tink lɛkɛ bigman.

2 Kɔrint 8:7

Ɔltin we una gɛt, plɛnti; ɔl wetin una de du, una de du dɛn gud: una biliv Gɔd gud gud, una ebul tɔk fayn, una sabi plɛnti tin, una want ɛp una kɔmpin bad bad, ɛn una lɛk wi bad. So una fɔ du dis wok ya we una de du wit ɔl una at.

Lɛta Fɔ Ɛfisɔs 5:17

Una nɔ gri mek ɛnibɔdi mek una ful, una tray fɔ no wetin di Masta want una fɔ du.

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Fɔs Lɛta Fɔ Tɛsalonayka 3:12

Lɛ di Masta mek una lɛk una kɔmpin Kristiɛn dɛn ɛn ɔl dɛn ɔda pipul wit ɔl una at lɛkɛ aw wi lɛk una.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Faylimɔn 1:6

A de pre mek di abop we una abop pan Jizɔs ɛp ɔda pipul fɔ sabi mɔ ɛn mɔ bɔt di blɛsin we Gɔd de gi wi we wi gɛt wanwɔd wit Krays.

Di Ibru Pipul Dɛn 5:14

Bɔt pɔsin we de it tin we fɔ cham, na big pɔsin; i dɔn no wetin gud ɛn wetin bad, bikɔs i dɔn lan aw fɔ no wetin gud ɛn bad bay dɛn tin we i de du we rayt na Gɔd in yay.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.