Lɛta Fɔ Filipay 1:5 - Krio Fɔs Oli Baybul

⁵ A kin tɛl Gɔd tɛnki fɔ we una de ɛp mi fɔ tɛl ɔda pipul di Gud Nyuz frɔm di fɔs de we a bigin dis wok na Fili pay sote naw.

Lɛta Fɔ Filipay 1:5 Iomraidhean Croise

Apɔsul Dɛn Wok 2:42

Di apɔsul dɛn bin de lan dɛn Gɔd in wɔd. Dɛn bin de lɛkɛ brɔda ɛn sista ɛn dɛn bin de it ɛn pre na wan ples.

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Lɛta Fɔ Rom 12:13

Una fɔ tek pan una yon tin dɛn gi una kɔmpin Kristiɛn dɛn tin we dɛn nɔ gɛt we dɛn fɔ gɛt, ɛn una fɔ du gud to dɛn Kristiɛn trenja dɛn we kam na una os.

Lɛta Fɔ Rom 15:26

Bikɔs di chɔch mɛmba dɛn na Masidonia ɛn Gris dɔn mekɔp fɔ gi dɛn Kristiɛn we nɔ gɛt natin na Jerusɛlɛm sɔm mɔni.

1 Kɔrint 1:9

Gɔd we kɔl una fɔ jɔyn an wit in Pikin, Jizɔs Krays, wi Masta, nɔ go disapɔynt ɛnibɔdi we abop pan am.

2 Kɔrint 8:1

Mi kɔmpin Kristiɛn dɛn, wi want fɔ mek una no di gud we Gɔd dɔn du na di chɔch dɛn na Masidonia.

Lɛta Fɔ Ɛfisɔs 3:6

Di sikrit we a de tɔk bɔt nain dis: Wɛn dɛn pipul we nɔto Ju biliv di Gud Nyuz lɛkɛ aw di Ju pipul dɛn biliv, Gɔd gi dɛn di sem blɛsin. Jizɔs Krays dɔn mek dɛn pipul we nɔto Ju ɛn di Ju pipul dɛn bi wan, ɛn i dɔn mek dɛn gɛt ɔl wetin Gɔd bin dɔn prɔmis dɛn.

Lɛta Fɔ Filipay 1:12

Mi kɔmpin Kristiɛn dɛn, a want mek una no se wetin dɔn bi to mi dɔn ɛp fɔ mek di Gud Nyuz prɛd ɔlɔbɔt.

Lɛta Fɔ Filipay 1:16

Dɛn pipul we de tɔk bɔt Krays bikɔs dɛn want du wetin rayt na dɛn wan we lɛk Gɔd, we no se Gɔd mek a kam na ya so dat ɔda pipul go no se di Gud Nyuz we a de tɔk, na tru.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

Lɛta Fɔ Filipay 2:12

Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Lɛta Fɔ Filipay 2:22

Bɔt una no se Timoti dɔn pruv insɛf se in de du di wok gud. I de wok wit mi, lɛkɛ se in na mi pikin ɛn mi nain papa, fɔ mek mɔ ɛn mɔ pipul biliv di Gud Nyuz.

Lɛta Fɔ Filipay 4:3

Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi traŋa wan fɔ prɛd di Gud Nyuz ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de.

Faylimɔn 1:17

If yu tek mi lɛkɛ yu kɔmpin wokman, yu go ol Onɛsimɔs lɛkɛ aw yu bin fɔ ol mi.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Jɔn In Fɔs Lɛta 1:3

Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.