Lɛta Fɔ Filipay 1:27 - Krio Fɔs Oli Baybul

²⁷ Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Lɛta Fɔ Filipay 1:27 Iomraidhean Croise

1 Kronikuls 19:12

Nain i tɛl am se, “If di Sirian dɛn tu traŋa fɔ mi, yu go ɛp mi, bɔt if di Amonayt dɛm tu mɔs fɔ yu, dɛn mi go ɛp yu.

Di Sam Dɛm 122:3

Jerusɛlɛm na ples we dɛn tek tɛm bil. Na siti, bɔt i tan lɛk na wan famili de de.

Di Sam Dɛm 133:1

I fayn ɛn i swit wɛn PAPA GƆD in pipul gɛda wit wan at fɔ wɔship am.

Prɔvabs 22:23

bikɔs PAPA GƆD go fɛt fɔ am ɛn pe yu fɔ wetin yu du.

Jɛrimaya 32:39

A go gi dɛm wan at ɛn wan we, so dat dɛn go fred mi sote go fɔ dɛn yon gud, ɛn fɔ dɛn pikin dɛn gud.

Matyu 12:25

Jizɔs bin no wetin dɛn bin de mɛmba na dɛn at, so i se, “Ɛni kɔntri we di pipul dɛn de fɛt dɛnsɛf, da kɔntri de nɔ go las. Ɛn ɛni tɔŋ ɔ fambul we de fɛt dɛnsɛf, go pwɛl.

Apɔsul Dɛn Wok 2:46

Di pipul dɛn kin mit na Gɔd in Os ɔltɛm fɔ pre ɛn wɛn dɛn dɔn, dɛn kin go na dɛn kɔmpin os fɔ it, ɛn ɔlman kin gladi fɔ sheb in it wit in kɔmpin.

Apɔsul Dɛn Wok 24:24

Tu-tri de pas, nain Filiks ɛn in Ju wɛf we bin nem Drusila sɛn kɔl Pɔl. Dɛn lisin we Pɔl de tɔk bɔt wetin fɔ biliv pan Krays Jizɔs min.

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

Lɛta Fɔ Rom 1:9

Na tru a de tɔk, Gɔd insɛf, we a de wok fɔ wit ɔl mi at we a de tɛl pipul di Gud Nyuz bɔt in Pikin, na mi witnɛs. Insɛf no se a de mɛmba una

Lɛta Fɔ Rom 10:8

Dɛn rayt na Gɔd in Buk se: “Gɔd in mɛsej de klos yu, yu dɔn tɔk am ɛn i de na yu at,” dat na di mɛsej we wi de tɔk ɔlɔbɔt se una fɔ biliv pan Gɔd.

Lɛta Fɔ Rom 15:29

Wɛn a kam to una, a go kam wit ɔl di blɛsin we Krays gi mi fɔ gi una.

1 Kɔrint 1:10

Mi Kristiɛn brɔda dɛn, a tek Jizɔs Krays, wi Masta, in nem, beg una mek una ɔl gɛt wanwɔd, mek una nɔ sheb sheb; una ɔl fɔ biliv di sem tin ɛn mekɔp fɔ du di sem tin.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

Lɛta Fɔ Galeshya 1:7

Ɔda gud nyuz nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyuz we tɔk bɔt Krays.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Lɛta Fɔ Ɛfisɔs 1:15

Na dat mek, frɔm we a yɛri se una dɔn biliv pan Masta Jizɔs ɛn aw una lɛk ɔl dɛn pipul we na Kristiɛn,

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Lɛta Fɔ Filipay 1:5

A kin tɛl Gɔd tɛnki fɔ we una de ɛp mi fɔ tɛl ɔda pipul di Gud Nyuz frɔm di fɔs de we a bigin dis wok na Fili pay sote naw.

Lɛta Fɔ Filipay 2:12

Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Lɛta Fɔ Filipay 2:24

Ɛn a biliv se i nɔ go te igen, di Masta go gri fɔ mek misɛf go to una.

Lɛta Fɔ Filipay 3:18

If una mɛmba, a bin dɔn tɛl una plɛnti tɛm bɔt sɔm pipul, ɛn naw a de kray we a de rayt una bɔt dɛn igen. A bin dɔn tɛl una se: di layf we dɛn liv mek di day we Krays day na di krɔs nɔ min natin.

Lɛta Fɔ Filipay 3:20

Bɔt ɛvin blant wi. Wi de wet fɔ di pɔsin we go kɔmɔt na ɛvin kam fɔ sev wi, da pɔsin de na wi Masta Jizɔs Krays.

Lɛta Fɔ Filipay 4:1

Mi Kristiɛn brɔda dɛn we a lɛk ɛn we a aŋri fɔ si, una dɔn mek a gladi ɛn a de bost bɔt una ɔltɛm. Una fɔ tinap traŋa wan ɛn gɛt wanwɔd wit di Masta.

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.

Lɛta Fɔ Kɔlɔse 1:4

Wi de tɛl Gɔd tɛnki bikɔs wi yɛri se una biliv pan Jizɔs Krays ɛn una lɛk ɔl Gɔd in pipul dɛn.

Fɔs Lɛta Fɔ Tɛsalonayka 3:6

Bɔt Timoti dɔn tɔn bak ɛn i dɔn tɛl wi nyuz we mek wi gladi. I tɛl wi se una biliv pan Krays ɛn una stil lɛk una kɔmpin Kristiɛn dɛn. I tɛl wi se una kin gladi ɔltɛm we una mɛmba wi, ɛn unasɛf aŋri fɔ si wi jɛs lɛkɛ aw wi aŋri fɔ si una.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Fɔs Lɛta To Timoti 1:11

Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

Fɔs Lɛta To Timoti 1:19

Yu fɔ biliv fɔ tru ɛn du wetin yu no se rayt. Sɔm pipul we nɔ bin gri fɔ du wetin dɛn fɔ du, nɔ biliv Krays igen:

Sɛkɛn Lɛta To Timoti 4:7

Di rɔn we a bin de rɔn fɔ mi Masta dɔn dɔn, a dɔn rich di say we fɔ tap, a nɔ lɛf fɔ biliv pan Gɔd, a nɔ lɛf fɔ lan pipul dɛn tin we wi biliv bɔt Gɔd.

Taytɔs 2:10

ɔ tif dɛn. Bɔt dɛn fɔ sho dɛn masta se dɛn gud ɛn dɛn na pipul we dɛn masta kin biliv, so dat dɛn go mek pipul want fɔ yɛri ɛn biliv dɛn tin we wi de lan dɛn bɔt Gɔd we de sev wi.

Faylimɔn 1:5

bikɔs a yɛri se yu lɛk Gɔd in pipul dɛn ɛn yu abop pan Masta Jizɔs.

Jems 3:18

Dɛn pipul we de mek pis, tan lɛkɛ fama we de plant sid. Di pis we dɛn de mek tan lɛkɛ di sid we fama plant. Dis sid ya go bia plɛnti gud na pipul dɛn at.

Pita In Sɛkɛn Lɛta 3:11

We ɔltin gɛt fɔ dɔn so, uskayn pipul una fɔ bi? Una fɔ de waka wit Gɔd ɛn du dɛn tin we go mek pipul no se una na Gɔd yon pipul;

Pita In Sɛkɛn Lɛta 3:14

So, mi padi dɛn we a lɛk, we una de wet fɔ dis nyu ɛvin ɛn dis nyu wɔl ya, una fɔ tray mek Gɔd nɔ fɛn ɛni fɔlt na una layf ɛn una go gɛt kol at fɔseka dat.

Jud In Lɛta 1:3

Mi padi dɛn we a lɛk, na bɔt di sev we Gɔd dɔn sev wi a bin want rayt una bad, bɔt a fil se a fɔ rayt beg una naw fɔ mek una fɛt fɔ stil biliv pan Jizɔs Krays lɛkɛ aw Gɔd dɔn mek in pipul dɛn biliv wan tɛm nɔmɔ, fɔ ɔltɛm.