Lɛta Fɔ Filipay 1:21 - Krio Fɔs Oli Baybul

²¹ Fɔ mi yon wan pat, a liv ɔl mi layf fɔ Krays nɔmɔ, bɔt if a day, a go gɛt layf we bɛtɛ pas dis layf.

Lɛta Fɔ Filipay 1:21 Iomraidhean Croise

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

1 Kɔrint 3:22

Pɔl, Apɔlɔs, Pita, dis wɔl o, layf o, day o, dɛn tin we de naw, ɛn dɛn tin we go de bambay: dɛn ɔl na una yon,

2 Kɔrint 5:1

Wi no se if dis os, we wi tap insay na dis wɔl, we na wi bɔdi, dɔn pwɛl, Gɔd go gɛt os fɔ wi na ɛvin we insɛf mek, ɛn da os de go de sote go.

2 Kɔrint 5:6

So we wi no dɛn tin ya, wi at nɔ pwɛl. Wi no se ɔl di tɛm we dis wi bɔdi ya na wi os, wi nɔ go na di os we Gɔd kip fɔ wi, yet.

2 Kɔrint 5:8

Wi at nɔ de pwɛl ɛn wi bin ivin want kɔmɔt insay dis bɔdi we na wi os go de na wi ɔda os wit di Masta.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Lɛta Fɔ Filipay 1:20

A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

Lɛta Fɔ Filipay 1:22

Bɔt if a liv a go du mɔ wok fɔ Krays we go ɛp ɔlman, so naw a nɔ no wetin a want: fɔ day ɔ fɔ liv.

Lɛta Fɔ Filipay 1:23

Sɔntɛm a kin want liv, sɔntɛm a kin want day: a want kɔmɔt na dis wɔl ɛn go to Jizɔs Krays, ɛn dat go bɛtɛ fɔ mi fawe pas fɔ de na dis wɔl,

Lɛta Fɔ Filipay 2:21

Ɔl di ɔda pipul dɛn de wok fɔ dɛnsɛf nɔmɔ, dɛn nɔ de wok fɔ Krays.

Lɛta Fɔ Kɔlɔse 3:4

Krays na una tru layf. Wɛn i kam bak na wɔl, una go de wit am ɛn jɛs lɛkɛ aw dɛn ɔna am, na so dɛn go ɔna unasɛf.

Rɛvɛleshɔn 14:13

Dɛn a yɛri vɔys na ɛvin de tɔk se, “Rayt wetin a de kam tɛl yu naw: Dɛn pipul we go day fɔseka di Masta, go gladi!” Di Spirit ansa se, “Na tru yu de tɔk, dɛn dɔn dɔn di big wok we dɛn bin de du so, dɛn go blo naw ɛn dɛn go gladi bikɔs dɛn dɔn si wetin di wok we dɛn bin de du, dɔn briŋ.”