Lɛta Fɔ Filipay 1:20 - Krio Fɔs Oli Baybul

²⁰ A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

Lɛta Fɔ Filipay 1:20 Iomraidhean Croise

Di Sam Dɛm 119:116

Yu dɔn prɔmis mi se yu go sev mi du am mek a nɔ day wit shem ɛn disgres.

Di Sam Dɛm 119:80

Lɛ a obe yu lɔ dɛn wit ɔl mi at, lɛ shem ɛn disgres nɔ mit mi.

Di Sam Dɛm 25:2

a put mi op pan yu, PAPA GƆD. Duya, nɔ mek a shem, nɔ mek mi ɛnimi dɛn laf mi.

Di Sam Dɛm 62:5

Na PAPA GƆD nɔmɔ de mek a gɛt pis na mi sol nain nɔmɔ a abop pan.

Prɔvabs 10:28

Di op we di pɔsin we de waka tret na PAPA GƆD in yay gɛt de mek i gladi, bɔt yu bad, in plan nɔ de ɛva wok.

Prɔvabs 23:18

Ɛn wɛn yu du dat di tumara go fayn fɔ yu.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Ayzaya 50:7

Bikɔs Papa Gɔd we na Gɔd de ɛp mi; Na dat mek dɛn nɔ ebul mi; fɔseka dat, a dɔn mek mi fes lɛk ayɛn ston; ɛn a no se dɛn nɔ go ebul mek a shem.

Ayzaya 54:4

“Nɔ fred, bikɔs yu nɔ go shem; nɔ kɔnfyus yusɛf, bikɔs nɔbɔdi nɔ go mek yu shem; bikɔs yu go fɔgɛt di shem we mit yu we yu bin yɔŋ, ɛn yu nɔ go mɛmba di tɔk we dɛn tɔk bɔt yu we yu man bin day, igen

Jɔn 21:19

(Wɛn Jizɔs tɔk dat, i bin de sho aw Pita go day, ɛn ɔna Gɔd.) Dɛn Jizɔs tɛl am se, “Du wetin a tɛl yu fɔ du.”

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Apɔsul Dɛn Wok 21:13

Bɔt Pɔl aks dɛn se, “Wetin una de du, we una de kray so, una go mek mi at pwɛl? A rɛdi fɔ mek dɛn tay mi ɛn a rɛdi sɛf fɔ mek dɛn kil mi fɔseka Masta Jizɔs.”

Apɔsul Dɛn Wok 4:31

Wɛn dɛn dɔn pre dɔn, di ples we dɛn bin de, shek. Gɔd in Spirit kam pan dɛn ɛn dat mek dɛn nɔ fred fɔ tɔk Gɔd in mɛsej.

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Lɛta Fɔ Rom 5:5

We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Lɛta Fɔ Rom 6:13

Una nɔ fɔ sin wit ɛni pat pan una bɔdi, bɔt una fɔ gi Gɔd ɔl pat na una layf, na so pipul we bin day bɔt we Gɔd dɔn gi nyu layf, fɔ du; una fɔ gi Gɔd ɔl una layf so dat i go mek una du dɛn tin we gud fɔ mɔtalman.

Lɛta Fɔ Rom 6:19

Na dɛn tin we mɔtalman ɔndastand, a de tek fɔ ɛksplen to una fɔ mek una go ɔndastand. Tɛm bin de we una na bin slev fɔ du ɔl kayn wikɛd ɛn dɔti tin we bin de na una at. Bɔt naw una fɔ givɔp ɔl una layf fɔ bi lɛkɛ Gɔd in slev dɛn fɔ du wetin rayt, so dat una go bi Gɔd in pipul dɛn, fɔ tru.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Lɛta Fɔ Rom 9:33

Na dat dɛn rayt bɔt na Gɔd in Buk we dɛn se: “Una yɛri wetin a de tɛl una, a dɔn put ston na Zayɔn we go mek pipul bɔk dɛn fut, na di ston dat we go mek pipul fɔdɔm. Bɔt ɛnibɔdi we biliv pan am nɔ go disapɔynt.”

1 Kɔrint 15:31

Mi kɔmpin Kristiɛn dɛn, ɛvri de a de luk day nain yay! A de tɛl una dis bikɔs a prawd we unasɛf de waka wit wi Masta Jizɔs Krays.

1 Kɔrint 6:20

Gɔd pe dia fɔ una we Krays day na di krɔs. So una fɔ mek Gɔd gɛt di prez bay aw una de yus una bɔdi.

1 Kɔrint 7:34

in at de tu say. Uman we nɔ mared de put in at pan Gɔd in wok, bikɔs i want mek ɔl wetin i de du ɛn ɔl wetin i de tink bi fɔ Gɔd; bɔt plɛnti tin na dis wɔl we mare du man de du fɔ mek in man gladi, de mek i traŋa fɔ am fɔ du Gɔd in wok.

2 Kɔrint 10:8

A nɔ de shem ivin if i tan lɛkɛ se a de bost tumɔs se na di Masta sɛn wi fɔ kam ɛp una, nɔto fɔ mek una tap fɔ biliv.

2 Kɔrint 3:12

We wi no se di wɔndaful tin we Gɔd dɔn du go de sote go, wi nɔ fred fɔ du wi wok.

2 Kɔrint 4:10

Di day we Jizɔs day de na wi bɔdi ɔltɛm, so dat pipul go si in layf na wi bɔdi ɔltɛm.

2 Kɔrint 5:15

I day fɔ ɔlman so dat dɛn wan we gɛt layf nɔ go liv fɔ dɛnsɛf nɔmɔ, bɔt dɛn go jɛs liv nɔmɔ fɔ di wan we dɔn day, we Gɔd mek rayz frɔm di grev fɔseka dɛn.

2 Kɔrint 7:14

A bin bost bɔt una to am, ɛn una nɔ disapɔynt mi. Wi de tɔk tru to una ɔltɛm. Semwe, una dɔn pruv se di tin we mek a bost bɔt una to Taytɔs, na tru.

2 Kɔrint 7:4

A shɔ se una nɔ go disapɔynt mi, una de mek mi ed big! Pan ɔl wi waala a stil gɛt kɔrej, a gladi bad bad wan.

Lɛta Fɔ Filipay 1:14

Pantap dat, bikɔs a de na jel, di Kristiɛn dɛn we de abop pan di Masta mɔ ɛn mɔ, de plɛnti mɔ ɛn mɔ ɛn dat mek dɛn nɔ de fred fɔ tɔk Gɔd in wɔd ɛn dɛn nɔ bisin bɔt wetin pipul go du dɛn.

Lɛta Fɔ Filipay 2:17

If dɛn gɛt fɔ kil mi sɛf ɛn di day we a day go tan lɛk sakrifays ɛn wit unasɛf yon sakrifays we una de mek to Gɔd dat na di biliv we una biliv pan Krays, a gladi ɛn a de mek una no se a gladi; so dat unasɛf go gladi wit mi.

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Pita In Fɔs Lɛta 4:16

Bɔt if na fɔseka Krays mek waala mit una, dat nɔ fɔ mek una shem, bɔt una fɔ tɛl Gɔd tɛnki we una na Kristiɛn.

Jɔn In Fɔs Lɛta 2:28

Mi pikin dɛn, una fɔ de wit Krays ɔltɛm, so dat wɛn i kam bak, wi nɔ go shem fɔ go mit am.