Lɛta Fɔ Filipay 1:13 - Krio Fɔs Oli Baybul

¹³ Ɔl dɛn soja man sɛf we de gyad di Kiŋ in os ɛn dɛn ɔda pipul dɔn no se pipul put mi na jel bikɔs a de wok fɔ Krays.

Lɛta Fɔ Filipay 1:13 Iomraidhean Croise

Apɔsul Dɛn Wok 26:29

Pɔl ansa se, “Ilɛk di tɛm shɔt ɔ i lɔŋ, nɔto yu wangren a want fɔ kam to Krays, bɔt a de pre se una ɔl we de lisin mi go tan lɛkɛ mi bɔt dɛn nɔ go tay una wit chen lɛkɛ aw dɛn tay mi.”

Apɔsul Dɛn Wok 26:31

Wɛn dɛn de go, dɛn bin de tɛl dɛn kɔmpin se, “Dis man ya nɔ du natin fɔ mek dɛn jel am ɔ mek dɛn kil am.”

Apɔsul Dɛn Wok 28:17

We Pɔl dɔn de tri de na Rom, i kɔl di Ju bigman dɛn we de na Rom kam na wan mitin. Wɛn dɛn ɔl dɔn gɛda, i se, “Mi brɔda dɛn, a nɔ du mi Ju pipul dɛn natin ɛn a nɔ brok di Ju Lɔ we wi grampapa papa dɛn bin gi wi. Bɔt di Ju pipul dɛn put mi insay jel na Jerusɛlɛm, dɔn dɛn an mi oba gi dɛn Roman pipul.

Apɔsul Dɛn Wok 28:20

A kɔl una fɔ si una ɛn tɛl una se dɛn chen mi fɔseka di pɔsin we di Izrɛl pipul dɛn abop pan.”

Apɔsul Dɛn Wok 28:30

Pɔl de tu ia na Rom na wan os we insɛf bin rɛnt. I kin gladi fɔ ɔlman we go to am.

Lɛta Fɔ Ɛfisɔs 3:1

Na fɔ ɔl dis we a de du fɔseka una we nɔto Ju, mek mi, Pɔl, tɔn jelman fɔ Jizɔs Krays.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Lɛta Fɔ Ɛfisɔs 6:20

Mi na Gɔd in mɛsenja we de na jel fɔseka di Gud Nyuz. Una pre fɔ mi, so dat a nɔ go fred fɔ tɔk bɔt Jizɔs Krays aw a fɔ tɔk bɔt am.

Lɛta Fɔ Filipay 1:30

So una fɔ jɔyn mi naw fɔ fɛt fɔ di Gud Nyuz lɛkɛ aw a bin de fɛt fɔs tɛm ɛn we una dɔn yɛri se a de fɛt te naw.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

Lɛta Fɔ Filipay 4:22

Ɔl dɛn ɔda Kristiɛn dɛn na ya, pati kla dɛn pipul we de wok na di big Roman Kiŋ in os, tɛl una adu.

Sɛkɛn Lɛta To Timoti 2:9

A de sɔfa bikɔs a de tɛl pipul di Gud Nyuz, dɛn chen mi sɛf lɛkɛ jelman, bɔt dɛn nɔ go chen Gɔd in wɔd;