Di Nɔmba Dɛm 8:8 - Krio Fɔs Oli Baybul

⁸ Lɛ dɛn tek wan yɔŋ man kaw wit fayn flawa we dɛn miks am wit ɔyl fɔ di gren sakrifays; dɛn fɔ tek wan ɔda yɔŋ man kaw we dɛn go sakrifays fɔ dɛn sin.

Di Nɔmba Dɛm 8:8 Iomraidhean Croise

Ɛksodɔs 29:1

PAPA GƆD se, “Na dis kayn sɛrimɔni a want yu fɔ pafɔm we yu de Ɔden Erɔn ɛn in bɔypikin dɛn fɔ de sav mi as man dɛn we de mek sakrifays. Tek wan yɔŋ man kaw ɛn tu bigman ship we nɔ gɛt nɔn bɔt pan dɛn.

Ɛksodɔs 29:3

Dɔn, put dɛn ɔl insay wan baskit ɛn briŋ dɛn kam to mi wit di yɔŋ man kaw ɛn di tu bigman ship dɛn.

Ayzaya 53:10

Bɔt ɔl dat, na bin PAPA GƆD in plan fɔ mek dɛn brus am; I mek i sɔfa; we i mek insɛf di sakrifays fɔ sin, I go si in pikin dɛn, I go mek i gɛt lɔŋ layf; PAPA GƆD in plan go sɔksid nain an;

Lɛvitikɔs 1:3

If di animal we i de ɔfa, na pan di wan dɛn we i de mɛn, ɛn na bɔn i de bɔn am, i fɔ bi man wan we nɔ gɛt bɔt; na di Tɛnt we dɛn kin mit PAPA GƆD, in domɔt, dɛn fɔ ɔfa am so dat PAPA GƆD go gri fɔ tek am;

Lɛvitikɔs 16:3

I se pas if Erɔn go de wit wan yɔŋ man kaw fɔ sin ɔfrin ɛn wan man ship fɔ bɔn ɔfrin.

Lɛvitikɔs 2:1

We ɛnibɔdi de briŋ sid ɔfrin to PAPA GƆD, i fɔ bi fayn flawa ɛn dɛn fɔ put ɔyl ɛn frankinsɛns pan am,

Lɛvitikɔs 4:14

wɛn ɔlman no bɔt di sin we dɛn bin kɔmit, di wanol kɔmyuniti fɔ ɔfa wan yɔŋ man kaw as sin ɔfrin ɛn dɛn fɔ kɛr am go bifo di tɛnt usay dɛn kin mit PAPA GƆD;

Lɛvitikɔs 4:3

If na di man we de mek sakrifays fɔ pipul sin we dɛn anɔynt, sin, ɛn mek di pipul dɛn sɔfa fɔ dat, i fɔ ɔfa wan yɔŋ man kaw we nɔ gɛt bɔt, to PAPA GƆD as sin ɔfrin.

Lɛvitikɔs 8:2

mek i tek Erɔn ɛn in bɔypikin dɛn wit dɛn klos dɛn, ɛn di ɔyl we fɔ yuz fɔ anɔynt dɛn, ɛn di man kaw fɔ di sin ɔfrin, ɛn tu man ship wit wan blay ful wit bred we nɔ gɛt yist;

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.