Di Nɔmba Dɛm 8:7 - Krio Fɔs Oli Baybul

⁷ Fɔ mek dɛn klin na mi yay, na dɛn tin ya yu fɔ du: sprinkul di spɛshal wata pan dɛn we fɔ yuz fɔ klin dɛn, dɔn mek dɛn shev dɛn wanol bɔdi ɛn was dɛn klos dɛn. Na so dɛn go mek dɛnsɛf klin na mi yay.

Di Nɔmba Dɛm 8:7 Iomraidhean Croise

Jɛnɛsis 35:2

So Jekɔb tɛl ɔl dɛn wan we de nain os fɔ trowe ɔl dɛn tin we dɛn kin de wɔship, fɔ was ɛn wɛr klin klos.

Di Sam Dɛm 51:2

Was mi sin kɔmɔt pan mi lɛk aw pɔsin de was dɔti kɔmɔt na plet, ɛn mek mi klin.

Di Sam Dɛm 51:7

Pul mi fɔlt pan mi ɛn was mi klin; mek a wayt lɛk shatin.

Ɛksodɔs 19:10

PAPA GƆD tɔk bak to Mozis, I se, “Go dɔŋ to di pipul dɛn ɛn tɛl dɛn se lɛ dɛn kip dɛnsɛf piɔ ɛn oli. Dɛn fɔ du dat tide ɛn tumara: ɛn lɛ dɛn was dɛn klos ɛn

Ayzaya 52:15

na so i go shɔk plɛnti neshɔn dɛm; kiŋ dɛn go sɛt dɛn mɔt fɔseka am; bikɔs di tin we dɛn nɔ ɛva tɛl dɛn bɔt, dɛn go si, ɛn na di tin we dɛn nɔ yɛri bɔt wande, dɛn go ɔndastand.

Jɛrimaya 4:14

E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Lɛvitikɔs 15:27

Ɛn ɛnibɔdi we tɔch wetin in bɔdi dɔn tɔch lɛkɛ di bed we i de lidɔm ɔ usay i dɔn sidɔm nɔ go klin na PAPA GƆD yay, i fɔ was in klos dɛn, ɛn was insɛf ɛn i nɔ go klin na PAPA GƆD yay te ivintɛm.

Lɛvitikɔs 15:6

Dɔn ɛnibɔdi we sidɔm na di sem ples we di pɔsin dɔn sidɔm fɔ was in klos dɛn, was insɛf ɛn i nɔ go klin na PAPA GƆD yay te ivin tɛm.

Lɛvitikɔs 16:28

Di pɔsin we bɔn dɛn go was in klos dɛn, ɛn was in bɔdi bifo i go go insay di kamp.

Lɛvitikɔs 8:6

Dɛn i mek Erɔn ɛn in bɔypikin dɛn tinap frɔnt ɔlman ɛn mek lɛk dɛn de was dɛnsɛf.

Di Nɔmba Dɛm 19:13

Ɛniwan we nɔ gri fɔ was insɛf fɔ klin na PAPA GƆD yay afta we i ol dedebɔdi, de bamfa PAPA GƆD in Tɛnt. Dɛn fɔ drɛb da pɔsin de mek i kɔmɔt na Izrɛl. Bikɔs dɛn nɔ sprinkul da wata we fɔ mek am klin pan am, i nɔ klin ɛn na so i go de as pɔsin we nɔ klin.

Di Nɔmba Dɛm 31:20

I se dɛn fɔ mek shɔ se ɔl dɛn klos dɛn klin bifo PAPA GƆD wit ɛnitin we dɛn mek wit lɛda, got ia ɔ wud.

Di Nɔmba Dɛm 8:21

Di Livayt dɛn mek dɛnsɛf klin bifo PAPA GƆD ɛn was dɛn klos dɛn. Dɔn Erɔn in gi dɛn to PAPA GƆD lɛkɛ wev sakrifays ɛn beg PAPA GƆD fɔ lɛ i fɔgiv dɛn sin ɛn mek dɛn klin nain yay.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Di Ibru Pipul Dɛn 9:13

Fɔstɛm dɛn bin de tek got blɔd, man kaw blɔd, ɛn asis we kɔmɔt pan yɔŋ kaw we dɛn bɔn skata dɛn pan pipul we nɔ klin na Gɔd in yay, fɔ mek dɛn go klin.

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.