Di Nɔmba Dɛm 7:10 - Krio Fɔs Oli Baybul

¹⁰ Wɛn dɛn anɔynt di ɔlta di lida dɛn gi prɛzɛnt dɛn bak fɔ opin PAPA GƆD in os ɛn put dɛn bifo di ɔlta.

Di Nɔmba Dɛm 7:10 Iomraidhean Croise

1 Kiŋ 8:63

Di pis sakrifays we Sɔlɔmɔn ɔfa to PAPA GƆD na twɛnti-tu tawzin kaw wit wan ɔndrɛd ɛn twɛnti tawzin ship. Di kiŋ ɛn di pipul dɛn ɔl dɛdiket PAPA GƆD in os.

2 Kronikuls 7:5

Di pis sakrifays we Kiŋ Sɔlɔmɔn mek to PAPA GƆD, na twɛnti-tu tawzin kaw wit wan ɔndrɛd ɛn twɛnti tawzin ship. Di kiŋ ɛn di pipul dɛn ɔl dɛdiket PAPA GƆD in os.

2 Kronikuls 7:9

Di de we mek et, dɛn mek savis fɔ wɔship PAPA GƆD; bikɔs dɛn tek sɛvin de dɛdiket di ɔlta ɛn sɛvin de fɔ mek pati.

Nɛimaya 12:27

We di tɛm rich fɔ dɛdiket di wɔl, dɛn go fɛn ɔl di Livayt dɛn, pul dɛn usay dɛn tap ɛn briŋ dɛn kam na Jerusɛlɛm. Dɛn gɛt fɔ sɛlibret ɛn fɔ mek di gladi soba, dɛn gɛt fɔ yuz ɔlkayn tin we de mek myuzik as dɛn go de siŋ dɛn siŋ we na fɔ prez ɛn tɛl PAPA GƆD tɛnki.

Nɛimaya 12:43

Da de de, dɛn gladi bad as PAPA GƆD mek dɛn kɔmɔt bush. Dɛn mek bɔku difrɛn difrɛn sakrifays dɛn to PAPA GƆD. Di uman dɛn ɛn dɛn pikin dɛnsɛf jɔyn dɛn fɔ gladi. If yu de fawe frɔm Jerusɛlɛm sɛf, yu go yɛri di nɔys we dɛn de mek we dɛn de gladi.

Di Sam Dɛm 30:1

PAPA GƆD, a go tɔk bɔt aw yu wɔndaful, bikɔs yu pul mi pan trɔbul, ɛn nɔ mek a day we mek mi ɛnimi dɛn go laf mi.

Di Nɔmba Dɛm 7:1

Wɛn Mozis dɔn put ɔl wetin fɔ de na di tɛnt, i anɔynt am wit ɔl wetin de de ɛn gi am to PAPA GƆD fɔ mek am oli. I bin du di sem tin wit di ɔlta ɛn ɔl wetin dɛn de yuz de.

Di Nɔmba Dɛm 7:11

PAPA GƆD bin dɔn tɛl Mozis se ich lida fɔ briŋ in prɛzɛnt sɛpret wan we dɛn de pre pan di ɔlta.

Di Nɔmba Dɛm 7:84

Na di tin dɛn dis we di Izrɛlayt lida dɛn kɛr as prɛzɛnt we dɛn wan pre pan di ɔlta ɛn fɔ anɔynt am: twɛlv silva plet, twɛlv silva bol ɛn twɛlv dish we dɛn mek wit gold.

Di Nɔmba Dɛm 7:88

Di animal dɛn we dɛn tek mek pis sakrifays kam to twɛnti-fo man kaw, siksti manship, siksti mangot ɛn siksti yɔŋ manship we ol wan ia. Afta dɛn anɔynt di ɔlta, na di tin dɛn dis we dɛn gi we dɛn de pre pan di ɔlta.

Ditarɔnɔmi 20:5

Mozis se afta dat, na di ɔfisa dɛn go tɔk to di sojaman dɛn. Dɛn go tɛl dɛn se if ɛnibɔdi no se in dɔn bil os ɛn i nɔ pre pan am yet, lɛ i go pre pan am wantɛm, bikɔs if i day, na ɔda pɔsin go pre pan am fɔ am,