Di Nɔmba Dɛm 6:3 - Krio Fɔs Oli Baybul

³ nɔ fɔ drink wayn ɔ ɛni ɔda drink we go mek pɔsin drɔnk. I nɔ fɔ ivin drink viniga we dɛn tek wayn ɔ ɔda drink we go mek pɔsin drɔnk fɔ mek. I nɔ fɔ drink grep jus, ɔ it frɛsh ɔ dray greps.

Di Nɔmba Dɛm 6:3 Iomraidhean Croise

Lɛvitikɔs 10:9

in ɛn in bɔypikin dɛn nɔ fɔ go insay di tɛnt we dɛn kin mit PAPA GƆD afta dɛn dɔn drink ɛni kayn rɔm, wɛda na wayn ɔ na bia, ɔ nɔ so dɛn go day. I se dat fɔ bi lɔ na ɔl in jɛnareshɔn dɛn.

Emɔs 2:11

Noto mi mek una bɔypikin dɛn bi prɔfɛt ɛn mek di yɔŋ bɔbɔ dɛn bi Nazirayt? Noto so i bi una dɛn Izrɛlayt? Una tɔk nɔ!

Emɔs 2:12

Naw una grap go mek di Nazirayt dɛn de drink rɔm ɛn tɛl di prɔfɛt dɛn se dɛn nɔ fɔ tɔk wetin a tɛl dɛn.

Di Nɔmba Dɛm 6:4

Wans in na Nazirayt, i nɔ sɔpoz fɔ it ɛnitin we kɔmɔt pan greps tik. Nɔ fɔ ivin it dɛn sid ɔ dɛn kanda.

Lyuk 1:15

Da pikin de go bi bigman pan Gɔd we na wi Masta in biznɛs. I nɔ fɔ drink wayn ɔ ɛnitin we de mek pɔsin drɔnk frɔm di de we i bɔn. Gɔd in Spirit go de insay am frɔm di tɛm we i de nain mama bɛlɛ.

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Fɔs Lɛta Fɔ Tɛsalonayka 5:22

Una nɔ fɔ du ɛnitin we bad.

Fɔs Lɛta To Timoti 5:23

Nɔ jɛs de drink wata nɔmɔ, tek lili wayn fɔ mek yu it go go dɔŋ gud ɛn fɔ we yu kin de sik sik.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Di Jɔj Dɛm 13:14

Dat na, dat i nɔ fɔ it ɛnitin we kɔmɔt na di greps tik we dɛn de tek mek wayn. I nɔ fɔ drink wayn ɔ rɔm, ɛn i nɔ fɔ it ɛnitin we PAPA GƆD bin dɔn se nɔ klin nain yay fɔ pɔsin fɔ it. Di enjɛl se lɛ i jɛs du ɔl wetin in tɛl am nɔmɔ.

Di Jɔj Dɛm 13:4

So i fɔ tek tɛm; i nɔ fɔ drink wayn ɔ ɛni traŋa rɔm, ɛn i nɔ fɔ it dɛn tin dɛn we PAPA GƆD dɔn se nɔ klin fɔ it,