Di Nɔmba Dɛm 5:3 - Krio Fɔs Oli Baybul

³ I se wɛda dɛn na man ɔ dɛn na uman, na fɔ drɛb dɛn ɔ nɔ so dɛn go mek di kamp nɔ oli ɛn na de i de.

Di Nɔmba Dɛm 5:3 Iomraidhean Croise

1 Kiŋ 7:3

In ruf rɛst pantap fɔti-fayv sida pila dɛn, wit fiftin pila na wan ro.

Di Sam Dɛm 68:18

We i bin de go ɔp na ɛvin i kapchɔ pipul ɛn tek dɛn go wit am; pipul ɔl gi am prɛzɛnt, ɛn ivin dɛn wan we bin de mek rebɛl pan in di PAPA GƆD, bato am.

Ɛksodɔs 25:8

Di pipul dɛn fɔ mek wan spɛshal ples fɔ mi we na de a go de.

Ɛksodɔs 29:45

A go de wit di Izrɛlayt dɛn ɛn na mi go bi dɛn PAPA GƆD.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Lɛvitikɔs 14:8

Di man we bin gɛt di bad sik go was in klos dɛn, krep in ed ɛn was in bɔdi, dɔn i go klin na PAPA GƆD yay; ɛn na afta dat i go go insay di kamp, bɔt i go wet na do fɔ sɛvin de mɔ bifo i go insay in tɛnt.

Lɛvitikɔs 15:31

PAPA GƆD tɛl Mozis ɛn Erɔn se na so dɛn fɔ mek di Izrɛlayt dɛn nɔ day tɛm we dɛn nɔ klin na PAPA GƆD yay bikɔs dɛn nɔ go go na di tɛnt we PAPA GƆD kin mit dɛn na di kamp ɛn pwɛl de.

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

Di Nɔmba Dɛm 19:22

Ɛnitin we di pɔsin we nɔ klin tɔch, nɔ go klin ɛn ɛnibɔdi we tɔch da tin de insɛf nɔ go klin te ivintɛm.

Di Nɔmba Dɛm 35:34

Una nɔ pwɛl di land we una de ɛn we na de misɛf de, bikɔs, mi, PAPA GƆD de wit di Izrɛlayt dɛn.

Di Nɔmba Dɛm 5:4

Di Izrɛlayt dɛn obe ɛn drɛb di pipul dɛn we PAPA GƆD se na do jɛs lɛkɛ aw i bin dɔn tɛl Mozis.

Ditarɔnɔmi 23:14

I tɛl dɛn se di kamp nɔ fɔ gɛt natin we go mek i nɔ klin na PAPA GƆD in yay, bikɔs PAPA GƆD we na dɛn PAPA GƆD go de wit dɛn ɔltɛm, fɔ de sev dɛn ɛn fɔ mek dɛn ebul fɔ de bit dɛn ɛnimi dɛn. So dɛn nɔ fɔ mek i si ɛnitin we go mek i vɛks kɔmɔt biɛn dɛn.

Ditarɔnɔmi 23:15

Mozis tɛl di Izrɛlayt dɛn se if slev rɔnawe kɔmɔt na ɔda kɔntri kam to dɛn, dɛn nɔ fɔ sɛn am go bak to in masta;

Sɛkɛn Lɛta Fɔ Tɛsalonayka 3:6

Mi Kristiɛn pipul dɛn, wi de tek wi Masta Jizɔs Krays in nem tɛl una se una nɔ fɔ mek padi wit dɛn Kristiɛn we nɔ want du natin, ɛn we nɔ de du wetin wi bin dɔn tɛl dɛn fɔ du.

Taytɔs 3:10

Yu fɔ wɔn di pɔsin we de skata pipul, tu ɔ tri tɛm; if i nɔ yɛri, yu nɔ fɔ gɛt ɛnitin fɔ du wit am igen.

Rɛvɛleshɔn 21:27

Bɔt natin we bad nɔ go go insay de, ɛnibɔdi we de du dɛn dɔti dɔti tin nɔ go go insay de, semwe so, dɛn pipul we de lay, ɛn pipul dɛn lɛkɛ dat, nɔ go go insay de. Dɛn pipul we go go insay de, na di wan dɛn nɔmɔ we dɛn nem bin dɔn rayt na di Ship in buk we dɛn de rayt dɛn pipul we gɛt layf sote go dɛn nem.

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.