Di Nɔmba Dɛm 3:8 - Krio Fɔs Oli Baybul

⁸ PAPA GƆD se na dɛn fɔ de tek kia ɔf ɔl wetin de insay di Tɛnt usay dɛn kin mit am ɛn na so dɛn go du di wok na di Tɛnt fɔseka ɔl di Izrɛlayt dɛn.

Di Nɔmba Dɛm 3:8 Iomraidhean Croise

1 Kronikuls 23:27

bay wetin Devid bin se bifo i day, na bin ɔl di Livayt dɛn dɛn wan ya we bin ol twɛnti ia go ɔp-

2 Kronikuls 29:11

Mi bɔypikin dɛm, una nɔ mek kyalɛs naw, bikɔs PAPA GƆD dɔn pik una fɔ tinap usay in de, fɔ sav am ɛn fɔ bin in wokman ɛn bɔn insɛns to am.”

Ayzaya 52:11

Una go, una go, una go yanda, nɔ tɔch natin we dɔti na PAPA GƆD in yay; kɔmɔt to am go, go mek unasɛf klin na PAPA GƆD in yay, una we de tot di tin dɛn we dɛn de yuz na PAPA GƆD in os.

Di Nɔmba Dɛm 10:17

Dɛn skata di Tɛnt ɛn di Gashɔnayt ɛn Mɛrarayt dɛn tot am ɛn de biɛn dɛn.

Di Nɔmba Dɛm 10:21

Afta dɛn di Koathayt dɛn bin de. Dɛn bin tot di oli tin dɛn we bin fɔ de na di Tɛnt. Dɛn fɔ dɔn fiks di Tɛnt bifo dɛn rich de.

Di Nɔmba Dɛm 3:7

I se dɛn fɔ de wok fɔ Erɔn ɛn fɔ di wanol kɔmyuniti so di wok insay di Tɛnt usay dɛn kin mit am na dɛn go de du am.

Di Nɔmba Dɛm 3:9

PAPA GƆD tɛl Mozis se i fɔ gi di Livayt dɛn to Erɔn ɛn in bɔypikin dɛn; i se, na fɔ wok wit Erɔn ɛn in bɔypikin dɛn nɔmɔ dɛn fɔ de.

Di Nɔmba Dɛm 31:30

Pan di af we di ɔda Izrɛlayt dɛn fɔ gɛt, pul wan pan ɛni fifti wɛda na mɔtalman ɔ kaw ɔ dɔŋki ɔ ship ɔ got, ɛn gi di Livayt dɛn as na dɛn de kia fɔ PAPA GƆD in tɛnt.

Di Nɔmba Dɛm 4:15

PAPA GƆD tɛl dɛn se afta we Erɔn ɛn in bɔypikin dɛn dɔn kɔba ɔl wetin oli, ɛn we dɛn dɔn rɛdi fɔ muf di kamp, di Livayt dɛn we kɔmɔt na Koath in famili, na dɛn fɔ tot dɛn. Bɔt dɛn fɔ mek shɔ se dɛn nɔ tɔch ɛni pan di tin dɛn we oli ɔ nɔ so dɛn go day. Di Koathayt dɛn na di wan dɛn we fɔ tot di tin dɛn na di Tɛnt usay dɛn kin mit PAPA GƆD.

Di Nɔmba Dɛm 4:28

Na di wok dis we di Gashɔnayt dɛn gɛt fɔ du na di tɛnt usay dɛn kin mit am. I tɛl dɛn se Ithama, Erɔn in ɔda bɔypikin, nain rɛspɔnsibul fɔ dɛn.

Di Nɔmba Dɛm 4:33

PAPA GƆD se na dɛn wok dis na di tɛnt usay dɛn kin mit am, ɛn Ithama we na Erɔn in bɔypikin, nain go de tɛl dɛn wetin fɔ du.