Di Nɔmba Dɛm 3:3 - Krio Fɔs Oli Baybul

³ Na Erɔn in bɔypikin dɛn nem dɛn wan ya we dɛn bin dɔn Ɔden ɛn anɔynt fɔ bi man dɛn we fɔ mek sakrifays fɔ di pipul dɛn sin.

Di Nɔmba Dɛm 3:3 Iomraidhean Croise

1 Kronikuls 23:6

So Devid sheb dɛn ɛn put dɛn bay dɛn papa dɛn os we na Gashɔm, Koat ɛn Mɛrari, dat na Livay in bɔypikin dɛn.

Ɛksodɔs 28:41

Yu fɔ wɛr di gawn dɛn pan yu brɔda Erɔn ɛn in bɔypikin dɛn. Yuz ɔliv ɔyl fɔ Ɔden dɛn ɛn anɔynt dɛn fɔ lɛ dɛn go de sav mi as man dɛn we de mek sakrifays fɔ pipul sin.

Ɛksodɔs 40:13

dɔn yu drɛs Erɔn wit di spɛshal gawn, ɛn anɔynt ɛn kɔnsikret am fɔ lɛ i go de sav mi as man we de mek sakrifays fɔ pipul sin.

Ɛksodɔs 40:15

dɔn yu anɔynt dɛn lɛkɛ aw yu anɔynt dɛn papa, fɔ lɛ dɛnsɛf go de sav mi as man dɛn we de mek sakrifays fɔ pipul sin. Dɛn ɛn dɛn jɛnareshɔn na dɛn go de sav mi te go.”

Lɛvitikɔs 8:12

I tɔn sɔm pan di ɔyl sɛf na Erɔn in ed fɔ sho se na PAPA GƆD gɛt insɛf.

Lɛvitikɔs 8:30

Dɛn Mozis tek sɔm pan di ɔyl we na fɔ anɔynt ɛn sɔm pan di blɔd we bin de pan di ɔlta ɛn sprinkul am pan Erɔn, in bɔypikin dɛn ɛn dɛn klos dɛn; na so i sho se na PAPA GƆD gɛt Erɔn, in bɔypikin dɛn ɛn dɛn klos dɛn.

Di Nɔmba Dɛm 3:4

Nadab ɛn Abiu bin fɔdɔm day bifo PAPA GƆD we dɛn bin mek wan sakrifays wit faya, we nɔto aw PAPA GƆD bin tɛl dɛn fɔ du am, dɛn du am di tɛm we dɛn bin de na di ɛmti land we pɔsin nɔ go ebul tap na Saynay. Dɛn nɔn nɔ bin gɛt bɔypikin; so na Ɛlieza ɛn Ithama nɔmɔ bin ebul fɔ du dɛn wok as man dɛn we de mek sakrifays fɔ pipul dɛn sin, bifo dɛn papa Erɔn day.

Di Ibru Pipul Dɛn 7:28

Dɛn edman we bin de mek sakrifays fɔ pipul sin we di Lɔ we Gɔd gi Mozis se fɔ pik, na bin mɔtalman dɛn we kin du tin we nɔ rayt. Bɔt wɛn Gɔd prɔmis di prɔmis we tek di Lɔ we i gi Mozis, in ples, i pik in Pikin we dɔn sho se in ebul du ɔltin sote go.