Di Nɔmba Dɛm 3:10 - Krio Fɔs Oli Baybul

¹⁰ Erɔn ɛn in bɔypikin dɛn, na dɛn Mozis fɔ pik fɔ bi di wan dɛn we go de mek sakrifays fɔ di pipul dɛn sin; PAPA GƆD se if ɛni ɔda pɔsin du dis wok i fɔ day.

Di Nɔmba Dɛm 3:10 Iomraidhean Croise

2 Samiɛl 6:7

PAPA GƆD vɛks bad bad wan pan Uza fɔ we i mistek tɔch di ak so PAPA GƆD mek i day wantɛm wantɛm de nia di ak.

1 Kiŋ 12:31

Jɛroboam bil ples dɛn fɔ de wɔship pantap dɛn il, dɔn i pik man dɛn we nɔto Livay fambul dɛn kɔmɔt fɔ de mek sakrifays fɔ pipul sin.

1 Kronikuls 6:32

Dɛn bin de sav PAPA GƆD de wit siŋ bifo di Tabanakul na di tɛnt we dɛn de mit wit PAPA GƆD, sote Sɔlɔmɔn bil PAPA GƆD in os na Jerusɛlɛm dɔn; ɛn dɛn bin de sav bay tɔn ɛn bay aw PAPA GƆD se.

Nɛimaya 6:11

Nain a aks am se if man lɛkɛ mi fɔ rɔnawe ɔ rɔn go lɔk misɛf insay PAPA GƆD in os mek a nɔ day. A tɛl am se, “A nɔ go go.”

Ɛksodɔs 29:9

Na so yu fɔ du fɔ Ɔden Erɔn ɛn in bɔypikin dɛn. Dɛn ɛn dɛn jɛnareshɔn dɛn fɔ de sav mi as man dɛn we de mek sakrifays fɔ pipul sin te dɛn day.

Izikɛl 44:8

Ɛn una nɔ tek kia ɔf mi oli tin dɛm; bɔt una put fɔrina dɛm fɔ kia fɔ di ples we una de pre to mi.

Lɛvitikɔs 22:10

Na udat de na di man dɛn we de mek sakrifays fɔ pipul sin dɛn jɛnareshɔn nɔmɔ, fɔ it pan di oli tin dɛn. Ɛnibɔdi we na trenja nain os ɔ we de wok fɔ pe, nɔ fɔ it pan di oli tin dɛn;

Di Nɔmba Dɛm 1:51

PAPA GƆD se ɛnitɛm we di tɛnt fɔ muf, na di Livayt dɛn fɔ skata am ɛn ɛnitɛm we fɔ bil am bak, na di Livayt dɛn fɔ du am. I se if ɛni ɔda pɔsin we nɔto Livayt go nia am, i fɔ day.

Di Nɔmba Dɛm 16:10

I tɛl Kora se pan ɔl we PAPA GƆD dɔn drɔ in ɛn di ɔda Livayt dɛn klos am, dat nɔ du fɔ dɛn. Dɛn de tray fɔ bi lɛkɛ di man dɛn we de mek sakrifays fɔ pipul sin.

Di Nɔmba Dɛm 16:35

PAPA GƆD sɛn faya we bɔn di tu ɔndrɛd ɛn fifti man we bin de bɔn insɛns to PAPA GƆD ɛn dɛn day.

Di Nɔmba Dɛm 16:40

jɛs lɛkɛ aw PAPA GƆD bin dɔn tɛl Mozis fɔ tɛl am fɔ du. Dis na bin fɔ mɛmba di Izrɛlayt dɛn se nɔbɔdi nɔ gɛt rayt fɔ go bifo PAPA GƆD fɔ bɔn insɛns pas udat kɔmɔt na Erɔn in famili layn, ɔ nɔ so insɛf go tan lɛk Kora ɛn in gɛŋ.

Di Nɔmba Dɛm 18:3

Na una fɔ de tɛl dɛn wetin fɔ du ɛn dɛn fɔ du ɔl di wok we fɔ du na di Tɛnt bɔt dɛn nɔ fɔ go nia di tin dɛn we dɛn tek fɔ drɛs di Tɛnt ɔ di ɔlta, ɔ nɔ so dɛn go day ɛn unasɛf go day.

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.

Di Nɔmba Dɛm 3:11

PAPA GƆD tɛl Mozis bak se,

Di Nɔmba Dɛm 3:38

Mozis, Erɔn ɛn in bɔypikin dɛn fɔ de na di Istɛn pat na di tɛnt, bay usay di san de grap, bifo di Tɛnt usay dɛn kin mit PAPA GƆD. Na dɛn nɔmɔ rɛspɔnsibul fɔ tek kia ɔf di Tɛnt fɔseka di Izrɛlayt dɛn. Ɛni ɔda pɔsin we go nia de go day.

Lɛta Fɔ Rom 12:7

If Gɔd mek wi want fɔ ɛp di Kristiɛn dɛn ɔltɛm ɛn mek wi sabi wetin fɔ du, wi fɔ ɛp dɛn. If i mek wi sabi fɔ lan pipul, wi fɔ lan pipul.

Lɛta Fɔ Ɛfisɔs 2:19

Wi ɔl na wan pipul bifo Gɔd ɛn wi gɛt di sem rayt lɛkɛ di wan we ɔl Gɔd in pipul dɛn gɛt, una na Gɔd in pikin dɛn.

Ditarɔnɔmi 18:5

Mozis se dɛn fɔ de du dɛn gud tin ya bikɔs na PAPA GƆD we na dɛn PAPA GƆD, luk ɔl di fambul dɛn, ɛn pik dɛn ɛn dɛn pikin dɛn fɔ wok fɔ am sote go.

Di Ibru Pipul Dɛn 8:4

If Jizɔs bin de na dis wɔl te naw, i nɔ bin fɔ bi man we de mek sakrifays fɔ pipul sin atɔl, bikɔs dɛn man we de mek sakrifays fɔ pipul sin we de na dis wɔl de mek dɛn sakrifays ya lɛkɛ aw di Ju Lɔ se.

Di Jɔj Dɛm 17:5

Mayka bin gɛt in yon shrayn nain os. I so klos we di man dɛn we de mek sakrifays fɔ pipul sin kin wɛr, ɛn sɔm lay lay gɔd dɛn. I mek wan pan in bɔypikin dɛn, man we de mek sakrifays fɔ pipul sin nain shrayn.

1 Samiɛl 6:19

Bɔt PAPA GƆD mek sɛvinti man na Bɛth Shɛmɛsh day, bikɔs dɛn wach insay PAPA GƆD in ak. Di pipul dɛn sɔri bad we PAPA GƆD trit dɛn so.