Di Nɔmba Dɛm 23:3 - Krio Fɔs Oli Baybul

³ Dɔn Belam tɛl Belak lɛ i wet fɔ am usay dɛn mek di sakrifays. I se in go go na kɔna, sɔntɛm PAPA GƆD go go mit am de ɛn ɛnitin we i tɛl am, in go tɛl Belak. Na so in wan tek go ɔp wan il.

Di Nɔmba Dɛm 23:3 Iomraidhean Croise

Jɛnɛsis 22:13

Wɛn Ebraam tɔn rawnd, i si wan yɔŋ manship fasin wit in ɔn dɛn na di bush. I go tek di ship ɛn bɔn am as sakrifays to PAPA GƆD.

Jɛnɛsis 22:2

Nain PAPA GƆD tɛl am se, “Tek yu pikin, yu wangren bɔypikin, Ayzak, we yu lɛk, lɛkɛ yu bɔlyay, kɛr am go na Mɔria, yu fɔ tek am mek sakrifays to mi. Bɔn am pantap wan pan dɛn mawnten we a go sho yu.”

Jɛnɛsis 8:20

Noa bil ɔlta fɔ PAPA GƆD. I tek tu-tri pan di ‘klin’ animal ɛn klin bɔd dɛn, ɛn bɔn dɛn wanol wan fɔ sakrifays pantap di ɔlta.

Ɛksodɔs 18:12

Nain Jɛthro, dat na Mozis in fadɛnlɔ gi wan animal fɔ mek dɛn bɔn am as sakrifays to PAPA GƆD. Erɔn ɛn di ɔda Izrɛlayt bigman dɛn jɔyn Mozis in fadɛnlɔ pan di sakrifays ɛn it wit am ɛn wɔship PAPA GƆD.

Lɛvitikɔs 1:1

PAPA GƆD kɔl Mozis ɛn tɔk to am we i de na di Tɛnt usay dɛn kin mit PAPA GƆD. I se,

Di Nɔmba Dɛm 23:12

Nain Belam se na wetin PAPA GƆD se fɔ tɔk nɔmɔ i fɔ tɔk.

Di Nɔmba Dɛm 23:15

Belam tɛl Belak lɛ i wet fɔ am usay dɛn de mek sakrifays bikɔs in de go mit PAPA GƆD oba say.

Di Nɔmba Dɛm 23:2

We Belak dɔn rɛdi dɛn, dɛn ɔltu mek sakrifays pan di sɛvin ɔlta. Dɛn put wan man kaw ɛn wan man ship pan ɔl di ɔlta dɛn.

Di Nɔmba Dɛm 23:26

Belam aks am se if i nɔ bin dɔn tɛl am se na wetin PAPA GƆD se i fɔ du i go du.

Di Nɔmba Dɛm 23:4

PAPA GƆD mit am de. Belam tɛl PAPA GƆD se in dɔn mek sɛvin ɔlta ɛn sakrifays wan man kaw ɛn wan man ship pan dɛn ɔl.

Di Nɔmba Dɛm 24:1

We Belam si se PAPA GƆD in at gladi fɔ blɛs Izrɛl, i nɔ bɔda fɔ lukgrɔn lɛkɛ aw i bin de du, i jɛs tɔn in fes de luk na di ɛmti land we pɔsin nɔ go ebul tap.

Matyu 4:8

Wɛn dat dɔn, Setan kɛr am go pantap wan ay ay il ɛn sho am ɔl dɛn neshɔn na wɔl wit ɔl dɛn pawa ɛn jɛntri.

Jɔshwa 24:10

Instɛd, PAPA GƆD se in mek Balaam blɛs Izrɛl. PAPA GƆD se na da we de in bin pul Izrɛl kɔmɔt na Balaam in an.