Di Nɔmba Dɛm 22:3 - Krio Fɔs Oli Baybul

³ Di pipul dɛn na Moab fred bikɔs di Izrɛlayt dɛn bin bɔku. Fɔ tru tru Moab bin de fred di Izrɛlayt dɛn.

Di Nɔmba Dɛm 22:3 Iomraidhean Croise

Nɛimaya 13:2

bikɔs dɛn nɔ bin gi dɛn Izrɛlayt tin fɔ it ɔ wata fɔ drink, bifo dat dɛn aya Belam fɔ swɛ dɛn. Bɔt PAPA GƆD tɔn di swɛ to blɛsin.

Di Sam Dɛm 53:5

Dɛn go de fred ivin we fred nɔ mit dɛn. PAPA GƆD go mek in pipul ebul dɛn ɛnimi, dɛn go kil dɛn ɛn skata skata dɛn bon dɛn; di ɛnimi dɛn go shem ɛn di Izrɛlayt dɛn go win dɛn ɔltogɛda, PAPA GƆD dɔn pul at pan dɛn.

Ɛksodɔs 1:12

Bɔt di mɔ di Ijipshian dɛn mɔna di Izrɛlayt dɛn na di mɔ dɛn de bɔn bɔku pikin ɛn de bɔku na di kɔntri. Dat mek di Ijipshian dɛn bigin fred dɛn.

Ɛksodɔs 15:15

Di chif dɛn na Idɔm dɛn at pwɛl, bad, bad fred ol di bigman dɛn na Moab; di pipul dɛn na Kenan luz op.

Ɛksodɔs 23:27

A go mek ɔl dɛn wan we de agens una fred mi, dɔn a go ib dombolo pan dɛn wan we una de fɛt. A go mek una ɛnimi dɛn rɔnawe lɛf una.

Ayzaya 23:5

Wɛn di wɔd go rich Ijipt, dɛn go fil am we dɛn go yɛri di wɔd bɔt Tay.

Ditarɔnɔmi 2:25

I se PAPA GƆD se na da de de i go mek ɔlman na dis wɔl bigin fred Izrɛl ɛn trimbul we dɛn yɛri dɛn nem ɛn wetin dɛn ebul du.

Jɔshwa 2:24

Dɛn tɛl am se fɔ tru tru, PAPA GƆD dɔn gi dɛn da land de, ɛn ɔl di pipul dɛn dɔn fred dɛn di Izrɛlayt dɛn.

Jɔshwa 9:24

Nain di Gibɛɔnayt dɛn se dɛn lay gi Jɔshwa dɛn bikɔs dɛn bin dɔn yɛri se PAPA GƆD we na dɛn PAPA GƆD bin dɔn tɛl in wokman Mozis traŋa wan se, i fɔ kil ɔl di pipul dɛn na di land we i sho an ɛn gi di land to di Izrɛlayt dɛn. So dɛn bin de fred bad bad wan fɔ dɛn layf.