Di Nɔmba Dɛm 21:7 - Krio Fɔs Oli Baybul

⁷ Di pipul dɛn go mit Mozis ɛn beg am mek i pre mek PAPA GƆD drɛb di snek dɛn. Dɛn se, “Wi dɔn du bad we wi grɔmbul pan PAPA GƆD ɛn pan yu. Duya pre mek PAPA GƆD pul dɛn snek ya kɔmɔt pan wi. So Mozis insɛf pre fɔ di pipul dɛn.

Di Nɔmba Dɛm 21:7 Iomraidhean Croise

Jɛnɛsis 20:17

Ebraam pre fɔ Abimɛlɛk, in wɛf ɛn ɔl di ɔda uman dɛn nain os we mek dɛn bigin bɔn pikin.

Jɛnɛsis 20:7

So naw, sɛn di uman go bak to in man. Na prɔfɛt, i go pre fɔ yu, ɛn yu nɔ go day. Mek a wɔn yu. If yu nɔ sɛn am go bak, no se yu wangren nɔ go day, yu ɛn ɔl yu pipul dɛn go day.”

1 Kiŋ 13:6

Nain di kiŋ beg di prɔfɛt lɛ i pre fɔ am to PAPA GƆD mek di an gɛt layf bak.

2 Kiŋ 13:4

Jɛoaaz pre to PAPA GƆD ɛn i ansa am. PAPA GƆD si se di kiŋ na Siria bin de mɔna Izrɛl tumɔs,

Job 42:10

PAPA GƆD gi Job bak ɔl wetin i bɔn dɔn lɔs, wɛn i bin dɔn pre fɔ in padi dɛn dɔn; i gi am tu tɛm wetin i bin gɛt fɔstɛm.

Job 42:8

PAPA GƆD se dɛn fɔ kɛr sɛvin man kaw ɛn sɛvin man ship go to Job we nain wokman, ɛn go ɔfa sakrifays we dɛn de bɔn na faya, fɔ pul dɛn ed. I se Job go pre fɔ dɛn ɛn in go ansa di pre we Job go pre, lɛ in nɔ pɔnish dɛn fɔ di fulish tin we dɛn du; i se dat na we dɛn nɔ se di rayt tin bɔt am, bɔt Job in bin se di rayt tin.

Di Sam Dɛm 106:23

So i se if nɔto we Mozis, di man we i bin dɔn pik, beg fɔ dɛn, lɛk i de dɔnawe wit dɛn. Na Mozis tap am nɔ fɔ kil dɛn ɔl we i vɛks.

Di Sam Dɛm 78:34

Ɛnitɛm we dɛn gɛt dɛn waala de, di wan dɛn we lɛf de rɔn to PAPA GƆD; dɛn de bigin majiji fɔ am ɛn du wetin i se.

Ɛksodɔs 10:17

I se mek dɛn fɔgiv am wan tɛm mɔ ɛn pre to dɛn PAPA GƆD fɔ mek i pul pan waala.

Ɛksodɔs 32:11

Bɔt Mozis beg PAPA GƆD se lɛ i kol in at, lɛ i nɔ vɛks, bikɔs nain dɔn yuz in traŋa an fɔ sev dɛn ɛn pul dɛn kɔmɔt na Ijipt.

Ɛksodɔs 32:30

Di nɛks de Mozis tɛl di pipul dɛn se dɛn dɔn sin bad bad wan to PAPA GƆD, so in de go ɔp di mawnten bak to PAPA GƆD. I se sɔntɛm PAPA GƆD go fɔgiv dɛn sin.

Ɛksodɔs 8:28

Di kiŋ tɛl Mozis se, in go alaw dɛn fɔ mek dɛn go sakrifays to dɛn PAPA GƆD na di ples we pɔsin nɔ go ebul tap, bɔt una nɔ fɔ go fawe. I beg dɛn fɔ pre fɔ am.

Ɛksodɔs 8:4

Di akpɔlɔ dɛn go de jomp pan am, in pipul dɛn ɛn in ɔfisa dɛn.”

Ɛksodɔs 8:8

Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”

Ayzaya 26:16

PAPA GƆD, nainsay dip trɔbul dɛn bin de we dɛn de fɛn yu, dɛn bin pre to yu wit ɔl dɛn at, we yu bin de kɔrɛkt dɛm.

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

Jɛrimaya 37:3

Kiŋ Zɛdikaya sɛn Jɛukal we na Shelɛmaya in bɔypikin, ɛn Zɛfinaya we na di man we de mek sakrifays fɔ pipul sin ɛn na Maasɛia in bɔypikin, to Jɛrimaya we na prɔfɛt se, “Pre fɔ wi to PAPA GƆD we na wi Gɔd.”

Ozie 5:15

A go kam bak na ya sote dɛn ebul fɔ gri se dɛn dɔn sin ɛn lɛf fɔ du bad ɛn kam bak to mi wɛn tin dɔn mɔna dɛn na da tɛm de dɛn go want fɔ kam bak.

Di Nɔmba Dɛm 11:2

Di pipul ala fɔ lɛ Mozis ɛp dɛn, so Mozis pre to PAPA GƆD ɛn in mek di faya ɔt.

Matyu 27:4

I se, “A dɔn sin, bikɔs a dɔn sɛl pɔsin we nɔ du bad ɛn dat go mek dɛn kil am.” Dɛn se, “Wi nɔ bisin de, dat na yu biznɛs.”

Apɔsul Dɛn Wok 8:24

Saymɔn tɛl Pita ɛn Jɔn se, “Duya, una beg Gɔd fɔ mi, mek wetin una tɔk nɔ bi to mi.”

Lɛta Fɔ Rom 10:1

Mi kɔmpin Kristiɛn dɛn, a de pre wit ɔl mi at mek Gɔd go sev mi Ju pipul dɛn. A want mek Gɔd sev dɛn bad bad.

Ditarɔnɔmi 9:20

I mɛmba dɛn igen se PAPA GƆD bin dɔn vɛks pan Erɔn ɛn bin wan kil insɛf, bɔt in Mozis bin pre fɔ am.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

1 Samiɛl 15:24

Na da tɛm de Sɔl se in dɔn sin ɛn du wetin nɔ rayt to PAPA GƆD. I se, in bin de fred in pipul dɛn so i du wetin dɛn want.

1 Samiɛl 15:30

Sɔl ansa se i no se i dɔn sin bɔt beg Samiɛl lɛ i go bak wit am fɔ wɔship PAPA GƆD ɔ nɔ so i go shem pan di bigman dɛn we de na Izrɛl.