Di Nɔmba Dɛm 21:6 - Krio Fɔs Oli Baybul

⁶ So PAPA GƆD sɛn snek dɛn pan dɛn we bin de bɛt ɛn kil dɛn. Di snek dɛn bɛt bɔku pan dɛn ɛn bɔku Izrɛlayt dɛn day.

Di Nɔmba Dɛm 21:6 Iomraidhean Croise

Ayzaya 14:29

Una nɔ gladi o, una ɔl we de na Filistia, se di tik we wap una dɔn brok, bikɔs na frɔm snek da pɔyzinɔs snek we nem Ada, de kɔmɔt, ɛn di tin we in go bɔn na snek we de flay.

Ayzaya 30:6

Wetin PAPA GƆD se bɔt di bist dɛn na di ɛmti ples we pipul nɔ go ebul tap na di sawt. Dɛn pas insay land we trɔbul ɛn pen de, usay di uman layɔn ɛn man layɔn kɔmɔt, usay di vaypa ɛn snek we de flay, dɛn put dɛn jɛntri na dɔŋki dɛn bak ɛn dɛn dia dia tin dɛn na kamɛl ɔmbak, kɛr go gi pipul dɛn we nɔ gɛt fɔ prɔfit dɛm.

Jɛrimaya 8:17

Bikɔs, a de sɛn snek dɛm go tap wit una da smɔl ɛn pɔyzinɔs snek we dɛn nɔ go ebul tem, ɛn dɛn go bɛt una, Na so PAPA GƆD se.

Izikɛl 14:15

If a mek dɛn wayl animal dɛn waka pas insay di land, ɛn dɛn pwɛl pwɛl am, we nɔbɔdi nɔ tap de, so dat nɔbɔdi nɔ go ebul pas de fɔseka di animal dɛn;

1 Kɔrint 10:9

Wi nɔ fɔ tray Krays ɛn mek i tap fɔ bia wit wi, lɛkɛ aw i bin tap fɔ bia wit sɔm pan dɛn pipul ya, ɛn mek snek bɛt ɛn kil dɛn.

Ditarɔnɔmi 8:15

Di GƆD we pul wata kɔmɔt na ston mek dɛn drink we dɛn bin de waka na di ɛmti ples we pɔsin nɔ go ebul tap, we na soso snek ɛn skɔpiɔn de de.