Di Nɔmba Dɛm 20:1 - Krio Fɔs Oli Baybul

¹ Insay di fɔs mɔnt nain di wanol Izrɛlayt kɔmyuniti rich na di ɛmti land we pɔsin nɔ go ebul tap na Zin ɛn dɛn tap na Kedɛsh. Na de dɛn de we Miriam day ɛn dɛn bɛr am de.

Di Nɔmba Dɛm 20:1 Iomraidhean Croise

Jɛnɛsis 14:7

dɔn dɛn tɔn bak na Ɛnmishpat, we naw na Kedɛsh. Dɛn siz ɔl di Amalɛkayt dɛn land dɛn, ɛn usay di Amɔrayt dɛn bin de na Azazɔn Tama.

Di Sam Dɛm 29:8

PAPA GƆD in vɔys de shek ɛni ɛmti land we pɔsin nɔ go ebul tap; ivin di ɛmti land we pɔsin nɔ go ebul tap na Kedɛsh.

Ɛksodɔs 15:20

Nain Prɔfɛtɛs Miriam, dat na Erɔn in sista, tek in tamborin ɛn bigin ple am. Ɔl di ɔda uman dɛnsɛf dans wit am wit dɛn yon tamborin.

Ɛksodɔs 2:4

Di bebi in sista bin tinap fawe de wach wetin go apin to am.

Ɛksodɔs 2:7

Di pikin in sista bin de wach. I aks di kiŋ in gyal pikin if i fɔ go fɛn wan pan dɛn Ibru uman fɔ mɛn di pikin fɔ am.

Izikɛl 47:19

Na di sawt say, i go kɔmɔt frɔm Tama te rich di Mɛriba Kadɛsh wata dɛm, te bay di Ijipt Bruk, te rich di Gret si. Na dis go bi di sawt say.

Mayka 6:4

A pul una kɔmɔt pan di slev layf we una bin de pan na Ijipt ɛn sɛn Mozis, Erɔn ɛn Miriam fɔ lid una.

Di Nɔmba Dɛm 12:1

Miriam ɛn Erɔn bigin tɔk bɔt Mozis fɔseka di uman we i bin mared. Di uman na Kushayt.

Di Nɔmba Dɛm 12:10

Wɛn di klawd kɔmɔt pan di Tɛnt, Miriam bin lɛf tinap wit bad sik nain bɔdi. Na so i wayt lɛk shatin. We Erɔn tɔn luk am ɛn si se bad sik dɔn kɔba Miriam in bɔdi,

Di Nɔmba Dɛm 12:15

So dɛn drɛb Miriam fɔ go tap na do na di kamp fɔ sɛvin de bɔt di pipul dɛn nɔ muf go nɔ we te i kam bak.

Di Nɔmba Dɛm 13:21

So dɛn go ɔp go wach di land frɔm di ɛmti land we pɔsin nɔ go ebul tap na Zin te rich Riɔb bay Libo Amath.

Di Nɔmba Dɛm 13:26

Dɛn go bak to Mozis ɛn Erɔn ɛn di wanol Izrɛlayt kɔmyuniti we bin de nia Kedɛsh na di ɛmti land we pɔsin nɔ go ebul tap na Paran. Dɛn ripɔt to ɔlman ɛn sho dɛn di frut dɛn we dɛn briŋ kam.

Di Nɔmba Dɛm 20:16

bɔt we dɛn kray to PAPA GƆD, i yɛri dɛn ɛn sɛn wan enjɛl we pul dɛn kɔmɔt na Ijipt. I se dɛn fɔ tɛl am se da tɛm de we dɛn de na Kedɛsh so dɛn de nain kɔntri in bɔda,

Di Nɔmba Dɛm 20:22

Di wanol Izrɛlayt kɔmyuniti kɔmɔt na Kedɛsh go na Mawnt Ɔ.

Di Nɔmba Dɛm 20:28

i pul Erɔn in gawn ɛn wɛr am pan Ɛlieza we na Erɔn bɔypikin. Dɔn Erɔn day ɔp de, pantap di mawnten. Dɛn Mozis ɛn Ɛlieza kam dɔŋ di mawnten.

Di Nɔmba Dɛm 26:59

Amram in wɛf bin nem Jokibad, wan pan Livay in jɛnareshɔn dɛn we wan Livayt bin bɔn na Ijipt. Amram bɔn Erɔn, Mozis ɛn dɛn sista Miriam.

Di Nɔmba Dɛm 27:14

bikɔs wɛn di Izrɛlayt kɔmyuniti barɔf pan mi na di wata dɛn na di di ɛmti land we pɔsin nɔ go ebul tap na Zin, una ɔltu nɔ du wetin a se, we bin fɔ lɛ una sho dɛn se mi na Oli GƆD. Dis bin apin na di wata dɛn na Mɛriba we de na Kedɛsh insay di ɛmti land we pɔsin nɔ go ebul tap na Zin.

Di Nɔmba Dɛm 33:36

Dɛn lɛf Iziɔn Geba go kamp na di di ɛmti land we pɔsin nɔ go ebul tap na Zin na Kedɛsh.

Ditarɔnɔmi 1:46

Mozis mɛmba dɛn se, dɛn bin de na Kedɛsh fɔ lɔŋ.

Ditarɔnɔmi 2:14

I se frɔm di tɛm we dɛn bin lɛf Kedɛsh Bania te di tɛm we dɛn krɔs da Zɛrɛd Riva, i bin dɔn tek tati-et ia. Da tɛm de, ɔl di sojaman dɛn bin dɔn day bikɔs PAPA GƆD bin dɔn swɛ se dɛn go day.

Ditarɔnɔmi 32:51

bikɔs dɛn nɔ bin du wetin PAPA GƆD bin want dɛn fɔ du we dɛn bin de na Mɛriba, na di ɛmti ples we pɔsin nɔ go ebul tap na Zin; i se dɛn nɔ bin rɛspɛkt am bifo di pipul dɛn se, in oli.

Di Jɔj Dɛm 11:16

I se we dɛn bin kɔmɔt Ijipt, dɛn pas insay di ɛmti land we pɔsin nɔ go ebul tap, go to di Rɛd Si te dɛn rich Kedɛsh.