Di Nɔmba Dɛm 18:1 - Krio Fɔs Oli Baybul

¹ PAPA GƆD tɔk to Erɔn. I se, “Na yu ɛn yu bɔypikin dɛn ɛn yu papa in fambul dɛn rɛspɔnsibul fɔ ɛnitin we go rɔŋ insay di Tɛnt dɔn na yu ɛn yu bɔypikin dɛn rɛspɔnsibul fɔ ɛnitin we go ambɔg di wok bikɔs una na di man dɛn we de mek sakrifays fɔ pipul sin.

Di Nɔmba Dɛm 18:1 Iomraidhean Croise

Ɛksodɔs 28:38

Erɔn fɔ de wɛr am ɔltɛm nain ed, dat go mek i tot di Izrɛlayt dɛn waala if dɛn mek ɛni mistek we dɛn de ɔfa oli sakrifays to mi. I fɔ wɛr dis tɔban ɔltɛm nain ed fɔ mek PAPA GƆD go aksɛpt di gift we dɛn de ɔfa to am.

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Izikɛl 4:4

Dɛn lidɔn pan yu lɛf say, ɛn a go put Izrɛl neshɔn dɛn pɔnishmɛnt pan yu; yu go tot dɛn pɔnishmɛnt fɔ di de dɛn we yu go lidɔn na yu lɛf say.

Lɛvitikɔs 10:17

wetindu dɛn nɔ it di sin ɔfrin na di tɛnt in kɔmpawnd as dɛn no se na tin we oli ɛn na dɛn nɔmɔ fɔ it am so dat dɛn go pul di pipul dɛn sin pan dɛn ɛn beg PAPA GƆD padin fɔ dɛn.

Lɛvitikɔs 22:16

we dɛn go mek udat nɔ fɔ it pan di oli tin dɛn it de ɛn dat go mek di pipul dɛn sɔfa fɔ dat: bikɔs nain na PAPA GƆD we de mek dɛn oli.

Lɛvitikɔs 22:9

I se ɔl di man dɛn we de mek sakrifays fɔ pipul sin fɔ du ɔl wetin i tɛl dɛn fɔ du ɔ nɔ so dɛn go bia wetin go bi wit dɛn we dɛn put shem pan PAPA GƆD in nem: I se nain na PAPA GƆD we de mek dɛn oli.

Di Nɔmba Dɛm 14:34

I gɛt fɔ bi fɔti ia as wan ia go bi wande pan di fɔti de we dɛn bin tek fɔ wach aw di land tan. Dɛn go sɔfa fɔ dɛn sin ɛn na da tɛm de dɛn go no wetin i tan lɛk fɔ lɛ PAPA GƆD nɔ de wit dɛn.

Di Nɔmba Dɛm 16:10

I tɛl Kora se pan ɔl we PAPA GƆD dɔn drɔ in ɛn di ɔda Livayt dɛn klos am, dat nɔ du fɔ dɛn. Dɛn de tray fɔ bi lɛkɛ di man dɛn we de mek sakrifays fɔ pipul sin.

Di Nɔmba Dɛm 17:13

Dɛn se ɛniwan pan dɛn we go nia PAPA GƆD in os go day. Dɛn aks Mozis if na dɛn ɔl go day.

Di Nɔmba Dɛm 17:3

Pan di wɔkinstik we di Livay lida gi, rayt Erɔn in nem bikɔs na wan wɔkinstik nɔmɔ fɔ tinap fɔ di bigman we nain nem na di fambul nem.

Di Nɔmba Dɛm 17:7

Mozis go put dɛn bifo PAPA GƆD na di Tɛnt lɛkɛ aw i se.

Di Nɔmba Dɛm 18:11

Ɛnitin we dɛn put wansay fɔ wev as sakrifays fɔ di Izrɛlayt dɛn, na una yon. A gi yu, yu bɔy ɛn gyal pikin dɛn as una yon te go. Ɛnibɔdi we tap na yu os, wans i klin na PAPA GƆD in yay, fɔ it pan am.

Di Nɔmba Dɛm 3:6

i fɔ kɛr ɔlman na Livay in fambul layn go to Erɔn fɔ mek dɛn de ɛp Erɔn.

Ditarɔnɔmi 10:8

Mozis kɔntinyu fɔ mɛmba di Izrɛlayt dɛn wetin ɛn wetin bin dɔn apin. I se na da tɛm de, PAPA GƆD bin se na di Livayt fambul dɛn nɔmɔ fɔ tot di Ak ɔf di Kɔvinant, mek sakrifays fɔ pipul sin, ɛn tek PAPA GƆD in nem blɛs di ɔda fambul dɛn, so PAPA GƆD go du gud tin dɛn fɔ dɛn, ɛn na so dɛn de du.

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Di Jɔj Dɛm 17:12

So Mayka mek am man we de mek sakrifays fɔ pipul sin nain shrayn ɛn di man bin tap nain os.