Di Nɔmba Dɛm 15:3 - Krio Fɔs Oli Baybul

³ ɛn dɛn want fɔ bɔn sakrifays to PAPA GƆD frɔm di animal dɛn we dɛn gɛt fɔ mek i pul fayn sɛnt we go mek PAPA GƆD gladi, wɛda na bikɔs dɛn wan fulfil prɔmis ɔ na bikɔs dɛn fil fɔ du am ɔ na bikɔs dɛn gɛt sɔm kayn gladi-gladi,

Di Nɔmba Dɛm 15:3 Iomraidhean Croise

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Ɛzra 7:17

Yu fɔ yuz dis mɔni fɔ bay man kaw, man ship, yɔŋ man ship, it ɛn wayn ɛn tek dɛn mek sakrifays to PAPA GƆD na di ɔlta na una GƆD in os na Jerusɛlɛm.

Di Sam Dɛm 54:6

A go gladi fɔ mek ɛni sakrifays to yu; a go prez yu ɛn tɔk yu gud nem.

Ɛksodɔs 29:18

Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.

Ɛksodɔs 29:25

We dɛn dɔn du dat dɔn, tek di tin dɛn na dɛn an ɛn bɔn dɛn na di ɔlta wit di ɔda tin dɛn we de, de; na sakrifays to mi PAPA GƆD ɛn a lɛk di sɛnt we i de bɔn.

Ɛksodɔs 29:41

Yuz di sem kwantiti flawa, ɔliv ɔyl ɛn wayn we yu yuz fɔ di mɔnin sakrifays wit di ɔda yɔŋ ship we yu de sakrifays ivintɛm. We di smok de kam ɔp to mi PAPA GƆD a kin lɛk di sɛnt.

Lɛvitikɔs 10:13

I se dɛn nɔ fɔ it am ɛniɔda say pas usay oli bikɔs na Erɔn ɛn in bɔypikin dɛn nɔmɔ gɛt da rayt de fɔ it pan di ɔfrin we dɛn mek na faya to PAPA GƆD as na so PAPA GƆD tɛl am.

Lɛvitikɔs 27:2

mek i tɛl di Izrɛlayt dɛn se, wɛn pɔsin prɔmis in kɔmpin mɔtalman to PAPA GƆD, na dis i fɔ pe if i wan fri insɛf,

Lɛvitikɔs 7:16

Bɔt if i bawn fɔ ɔ jɛs fil fɔ mek di ɔfrin, i fɔ it am di sem de ɛn i kin it di wan we lɛf, di nɛks de mɔnin,

Di Nɔmba Dɛm 28:27

Dɛn fɔ bɔn tu yɔŋ man kaw, wan man ship ɛn sɛvin yɔŋ man ship as sakrifays we fɔ pul fayn sɛnt we go mek PAPA GƆD gladi.

Di Nɔmba Dɛm 29:8

Dɛn fɔ bɔn as sakrifays wan yɔŋ man kaw, wan man ship ɛn sɛvin yɔŋ man ship we ol wan ia fɔ mek i pul fayn sɛnt we go mek PAPA GƆD gladi. Dɛn nɔn nɔ fɔ gɛt bɔt.

Di Nɔmba Dɛm 6:15

togɛda wit di tin dɛn fɔ gren sakrifays ɛn drink sakrifays, wan baskit wit bred we nɔ gɛt yist dat na kek we dɛn tek gud flawa mek dɔn dɛn miks am wit ɔyl ɛn wefa we dɛn put ɔyl pantap.

Matyu 3:17

Dɔn dɛn yɛri vɔys we kɔmɔt ɔp na ɛvin we se, “Dis na mi Pikin we a lɛk, a gladi fɔ am.”

2 Kɔrint 2:15

Wi tan lɛkɛ swit smɛl we de kɔmɔt pan insɛns we Krays de gi Gɔd; dɛn wan we Gɔd de sev ɛn dɛn wan we de go ɛl, dɛn ɔl de smɛl am.

2 Kɔrint 2:16

Fɔ dɛn wan dɛn we de go ɛl, di sɛnt na sɛnt we de kil; bɔt fɔ dɛn wan we go sev, da sɛnt de na sɛnt we de gi layf. Udat ebul du wok lɛkɛ dis?

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Ditarɔnɔmi 12:11

da tɛm de, dɛn fɔ kɛr ɔltin we i bin dɔn tɛl dɛn se dɛn fɔ kɛr go; dɛn animal dɛn fɔ bɔn na faya to PAPA GƆD ɛn di ɔda sakrifays dɛn, dɛn tayth, di wan we dɛn fɔ gi wit dɛn yon an ɛn di wan dɛn we dɛn bin dɔn prɔmis se dɛn go de gi PAPA GƆD.

Ditarɔnɔmi 12:17

I se dɛn nɔ fɔ it dɛn tin ya insay dɛn siti dɛn; dɛn tayth dɛn pan di tin dɛn we dɛn kɔt na dɛn fam; dat na di wayn di ɔyl, di fɔs pikin dɛn we dɛn kaw ɛn ship bɔn, ɛn di tin dɛn we dɛn go dɔn gi PAPA GƆD wit ɔl dɛn at ɛn di ɔfrin we dɛn fɔ gi wit dɛn yon an.

Ditarɔnɔmi 12:6

Na de dɛn go de mek ɔl dɛn sakrifays dɛn fɔ bɔn na faya to PAPA GƆD. Ɔda sakrifays dɛn, dɛn tayth di sakrifays we dɛn fɔ gi wit dɛn yon an, di wan we dɛn bin dɔn prɔmis se dɛn go de gi PAPA GƆD, di wan we na dɛnsɛf go fil na dɛn at fɔ gi PAPA GƆD, ɛn di fɔs pikin we dɛn ship ɛn kaw go bɔn.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.