Di Nɔmba Dɛm 12:2 - Krio Fɔs Oli Baybul

² Dɛn aks se if na Mozis nɔmɔ PAPA GƆD de tɔk to. Dɛn se if i nɔ ebul tɔk to dɛnsɛf. PAPA GƆD sɛf yɛri wetin dɛn de tɔk.

Di Nɔmba Dɛm 12:2 Iomraidhean Croise

Jɛnɛsis 29:33

I gɛt bɛlɛ bak ɛn bɔn ɔda bɔypikin. I se, “PAPA GƆD dɔn yɛri se mi man nɔ lɛk mi na dat mek i gi mi ɔda pikin,” so i gi di pikin nem Simiɔn.

2 Samiɛl 11:27

Wɛn i pul munin, Devid sɛn go tek am kam nain os ɛn i bi in wɛf ɛn bɔn bɔypikin fɔ am. Bɔt dat mek PAPA GƆD vɛks bad fɔ wetin Devid du.

2 Kiŋ 19:4

Dɛn se sɔntɛm Ayzaya in Gɔd, we na PAPA GƆD dɔn yɛri ɔl di wɔd we di kiŋ na Asiria in fil kɔmanda dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Ɛksodɔs 4:14

Dis mek PAPA GƆD vɛks pan Mozis ɛn aks am bɔt in broda Erɔn we na Livayt. PAPA GƆD se, “A no se in sabi tɔk ɛn rayt naw i de na rod de kam mit yu. I go gladi fɔ si yu.

Ɛksodɔs 4:30

Erɔn tɛl dɛn ɔl wetin PAPA GƆD bin dɔn tɛl Mozis, ɛn Mozis ple di wɔnda dɛn bifo di pipul dɛn yay.

Ɛksodɔs 5:1

Afta dat, Mozis ɛn Erɔn go mit di Kiŋ. Dɛn tɛl am se, dis na wetin di Izrɛlayt dɛn PAPA GƆD se, mek yu lɛf in pipul dɛn fɔ go na di ples we pɔsin nɔ go ebul tap fɔ go mek wan fɛstival to mi.

Ɛksodɔs 7:10

So Mozis ɛn Erɔn go to di kiŋ ɛn du wetin PAPA GƆD ɔda dɛn fɔ du. Erɔn trowe wɔkinstik bifo di kiŋ ɛn in ɔfisa dɛn, dɔn di tik tɔn to snek.

Prɔvabs 13:10

Rudnɛs nɔ de prɔfit natin pas plaba, bɔt yu tek advays gɛt sɛns.

Ayzaya 37:4

Dɛn se sɔntɛm, PAPA GƆD we na una Gɔd dɔn yɛri ɔl di wɔd we di kiŋ na Asiria in Rabshakɛ dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Mayka 6:4

A pul una kɔmɔt pan di slev layf we una bin de pan na Ijipt ɛn sɛn Mozis, Erɔn ɛn Miriam fɔ lid una.

Di Nɔmba Dɛm 11:1

Di pipul dɛn bigin grɔmbul to PAPA GƆD bɔt di adship we dɛn de gɛt ɛn dat mek i vɛks pan dɛn bad. PAPA GƆD sɛn faya ɛn bɔn di kamp in ɛj.

Di Nɔmba Dɛm 11:29

Mozis aks am if i de jɛlɔs fɔ am. Mozis tɛl am se in wish ɔl PAPA GƆD in pipul bi prɔfɛt ɛn i want sɛf mek PAPA GƆD put in spirit pan ɔlman.

Di Nɔmba Dɛm 12:3

Mozis na bin man we nɔ gɛt prɔblɛm. Na bin pɔsin we put insɛf dɔŋ pas ɔlman we liv na di wɔl.

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

Lɛta Fɔ Filipay 2:14

Una nɔ fɔ grɔmbul ɛn una nɔ fɔ agyu wɛn una de du ɛnitin,

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”