Di Nɔmba Dɛm 11:2 - Krio Fɔs Oli Baybul

² Di pipul ala fɔ lɛ Mozis ɛp dɛn, so Mozis pre to PAPA GƆD ɛn in mek di faya ɔt.

Di Nɔmba Dɛm 11:2 Iomraidhean Croise

Di Sam Dɛm 106:23

So i se if nɔto we Mozis, di man we i bin dɔn pik, beg fɔ dɛn, lɛk i de dɔnawe wit dɛn. Na Mozis tap am nɔ fɔ kil dɛn ɔl we i vɛks.

Ɛksodɔs 10:18

So Mozis lɛf di kiŋ ɛn i pre to PAPA GƆD.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Ayzaya 37:4

Dɛn se sɔntɛm, PAPA GƆD we na una Gɔd dɔn yɛri ɔl di wɔd we di kiŋ na Asiria in Rabshakɛ dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

Jɛrimaya 37:3

Kiŋ Zɛdikaya sɛn Jɛukal we na Shelɛmaya in bɔypikin, ɛn Zɛfinaya we na di man we de mek sakrifays fɔ pipul sin ɛn na Maasɛia in bɔypikin, to Jɛrimaya we na prɔfɛt se, “Pre fɔ wi to PAPA GƆD we na wi Gɔd.”

Jɛrimaya 42:2

ɛn tɛl Jɛrimaya we na prɔfɛt se, “Lisin wi prɔblɛm dɛm ɛn pre to PAPA GƆD we na yu Gɔd fɔ wi, fɔseka ɔl di wan dɛm we lɛf (bikɔs wi we lɛf na jɛs tu tri pan di wanol nɔmba as yusɛf kin si)

Di Nɔmba Dɛm 12:11

i beg Mozis mek i sɔri fɔ dɛn as dɛn dɔn biev fulish wan.

Di Nɔmba Dɛm 12:13

So Mozis insɛf beg PAPA GƆD lɛ i mek Miriam wɛl.

Di Nɔmba Dɛm 21:7

Di pipul dɛn go mit Mozis ɛn beg am mek i pre mek PAPA GƆD drɛb di snek dɛn. Dɛn se, “Wi dɔn du bad we wi grɔmbul pan PAPA GƆD ɛn pan yu. Duya pre mek PAPA GƆD pul dɛn snek ya kɔmɔt pan wi. So Mozis insɛf pre fɔ di pipul dɛn.

Apɔsul Dɛn Wok 8:24

Saymɔn tɛl Pita ɛn Jɔn se, “Duya, una beg Gɔd fɔ mi, mek wetin una tɔk nɔ bi to mi.”

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Jɔn In Fɔs Lɛta 5:16

If ɛni bɔdi si in kɔmpin sin ɛn da sin de nɔto sin we go tap am mek i nɔ gɛt layf we go de sote go, i fɔ pre fɔ am ɛn Gɔd go gi am di tru layf. Bɔt di pre we i de pre nɔ go ɛp dɛn pipul we sin da bad bad sin we de mek pɔsin nɔ gɛt layf we go de sote go, ɛn a nɔ se una fɔ pre to Gɔd fɔ dɛn kayn sin de.