Di Nɔmba Dɛm 11:1 - Krio Fɔs Oli Baybul

¹ Di pipul dɛn bigin grɔmbul to PAPA GƆD bɔt di adship we dɛn de gɛt ɛn dat mek i vɛks pan dɛn bad. PAPA GƆD sɛn faya ɛn bɔn di kamp in ɛj.

Di Nɔmba Dɛm 11:1 Iomraidhean Croise

Jɛnɛsis 38:10

PAPA GƆD nɔ lɛk wetin i bin de du so i tek insɛf yon layf.

2 Samiɛl 11:27

Wɛn i pul munin, Devid sɛn go tek am kam nain os ɛn i bi in wɛf ɛn bɔn bɔypikin fɔ am. Bɔt dat mek PAPA GƆD vɛks bad fɔ wetin Devid du.

2 Kiŋ 1:12

Bɔt Ilayja ansa am bak se, “If mi na man ɔf PAPA GƆD, lɛ faya kɔmɔt ɔp na ɛvin kam bɔn ɛn kil yu ɛn yu fifti man dɛn.” Dɔn faya kɔmɔt na ɛvin kam dɔŋ, bɔn ɛn kil in ɛn in fifti man dɛn.

Job 1:16

I nɔ tɔk di tɔk dɔn, nain wan ɔda mɛsenja kam tɛl Job se, laytin flash ɛn kil ɔl di ship dɛn ɛn di man dɛn we de luk dɛn; bɔt nain wangren ebul rɔnawe kam tɛl an.

Di Sam Dɛm 106:18

PAPA GƆD sɛn faya kam dɔŋ we bɔn dɛn ɛn bɔn ɔl di bad wan dɛn.

Di Sam Dɛm 78:21

Wɛn PAPA GƆD yɛri wetin dɛn de se, i vɛks bad so i dil wit di Izrɛlayt dɛn, we na Jekɔb in pikin dɛn,

Di Sam Dɛm 78:63

Di yɔŋbɔy dɛn day na wa so bɔku. Man dɛn nɔ bin de fɔ mared dɛn yɔŋgyal dɛn.

Ɛksodɔs 16:7

bikɔs wɛn do klin dɛn go si in PAPA GƆD wɔnda, bikɔs PAPA GƆD dɔn yɛri we dɛn de grɔmbul pan am, ɛn dat di pipul dɛn nɔ luk wan tek dɛn lɛkɛ ɛni bɛtɛ mɔtalman. Nain dɛn se aftawɔds na PAPA GƆD wok dɛn de du.

Ɛksodɔs 16:9

Mozis tɛl Erɔn lɛ i tɛl di pipul dɛn se dɛn ɔl fɔ go tinap bifo PAPA GƆD bikɔs i dɔn yɛri dɛn kɔmplen.

Ayzaya 10:17

Izrɛl in layt go tɔn to faya ɛn in Oli Wan go tɔn faya; ɛn i go bɔn ɛn pwɛl chuk chuk ɛn wayl bush waŋren de.

Ayzaya 30:33

Bikɔs ples fɔ bɔn pɔsin bin dɔn rɛdi lɔlɔntɛm. Yɛs, dɛn bin dɔn rɛdi am fɔ di kiŋ. Di say we dɛn mek fɔ bɔn pɔsin, bin dip ɛn wayd, wit faya ɛn wud abɔmpa. Wɛn PAPA GƆD blo wit in mɔt, i go tan lɛk brim ston riva, ɛn nain go layt di faya.

Ayzaya 33:14

Di sina dɛn na Zayɔn de fred; dɛn wan we no Gɔd, dɔn bigin trimbul; “Udat pan wi ebul tap wit faya we de kil pipul? Udat pan wi ebul tap wi faya we de bɔn sote go?”

Lamɛnteshɔn 3:39

Wetindu pɔsin we gɛt layf fɔ kɔmplen, yu mɔtalman, bɔt di pɔnishmɛnt we i de gɛt fɔ in sin?

Izikɛl 20:36

Papa Gɔd we na Gɔd se, lɛk aw a bin jɔj una fɔstɛmpapa dɛm na di say we ɛmti ɛn natin nɔ de, na Ijipt, na so a go jɔj una.

Lɛvitikɔs 10:2

Dat mek PAPA GƆD sɛn faya pan dɛn we bɔn dɛn ɛn dɛn day de bifo PAPA GƆD.

Neum 1:5

Di mawnten dɛn go trimbul, dɔn di il dɛn go mɛlt bifo in yay; di ath ɔl go trimbul usay i de, ɛn di wɔl wit in pipul dɛnsɛf go trimbul.

Abakɔk 3:5

I kin mek siknɛs lid am we i de go ɛn day fala am ɛnisay we i go.

Di Nɔmba Dɛm 10:33

So dɛn lɛf di mawnten usay PAPA GƆD de ɛn waka fɔ tri de. Di Kɔvinant Bɔks bin de bifo dɛn fɔ di tri de fɔ fɛn ples fɔ dɛn fɔ tap.

Di Nɔmba Dɛm 11:18

Tɛl di pipul dɛn fɔ kɔnsikret ɛn rɛdi dɛnsɛf fɔ di nɛks de we dɛn go it bif. Tɛl dɛn se PAPA GƆD dɔn yɛri di nɔys we dɛn de mek se dɛn wish dɛn kin gɛt bif fɔ it ɔ dɛn bin bɛtɛ we dɛn de na Ijipt, so PAPA GƆD go gi dɛn di bif ɛn dɛn go it bif.

Di Nɔmba Dɛm 12:2

Dɛn aks se if na Mozis nɔmɔ PAPA GƆD de tɔk to. Dɛn se if i nɔ ebul tɔk to dɛnsɛf. PAPA GƆD sɛf yɛri wetin dɛn de tɔk.

Di Nɔmba Dɛm 14:2

Dɛn bigin grɔmbul pan Mozis ɛn Erɔn ɛn ɔlman we de de. Dɛn se i bin fɔ bɛtɛ if dɛn bin dɔn day na Ijipt ɔ na di ɛmti land we pɔsin nɔ go ebul tap.

Di Nɔmba Dɛm 14:22

nɔn pan di man dɛn we si ɔl di wɔnda we a ple na Ijipt ɛn na di ɛmti land we pɔsin nɔ go ebul tap bɔt we stil nɔ obe mi, bɔt de tɛst mi pawa bɔku bɔku tɛm,

Di Nɔmba Dɛm 14:27

I se, “Dis kɔmyuniti so bad, dɛn jɛs de grɔmbul pan mi. A dɔn gens fɔ yɛri ɔl di tin dɛn we dɛn de grɔmbul.

Di Nɔmba Dɛm 14:28

So tɛl dɛn se wans mi PAPA GƆD nɔ de day, ɔl wetin dɛn dɔn grɔmbul, nain a go du;

Di Nɔmba Dɛm 16:11

I se na PAPA GƆD, Kora ɛn in gɛŋ de mek kuskas pan ɛn aks am udat na Erɔn we dɛn de grɔmbul pan am.

Di Nɔmba Dɛm 16:35

PAPA GƆD sɛn faya we bɔn di tu ɔndrɛd ɛn fifti man we bin de bɔn insɛns to PAPA GƆD ɛn dɛn day.

Di Nɔmba Dɛm 17:5

Di man we a pik in wɔkinstik go pul flawa ɛn da tɛm de ɔl dis grɔmbul we dɛn de grɔmbul pan una go dɔn.

Di Nɔmba Dɛm 21:5

dɛn bigin grɔmbul pan PAPA GƆD ɛn pan Mozis. Dɛn se wetin mek dɛn pul dɛn kɔmɔt nɔ Ijipt fɔ mek dɛn kam day na di ɛmti land we pɔsin nɔ go ebul tap. Dɛn se bred nɔ de de, wata nɔ de de ɛn dɛn nɔ want di nasti it we dɛn gɛt fɔ de it.

1 Kɔrint 10:10

Una nɔ fɔ kɔmplen bɔt ɛnitin, lɛkɛ aw sɔm pan dɛn pipul ya bin de kɔmplen, we mek di enjɛl we de kil, kil dɛn.

Ditarɔnɔmi 25:18

Dɛn nɔ bin fred sɛf se PAPA GƆD de wit di Izrɛlayt dɛn; di Amalɛkayt dɛn bin atak di Izrɛlayt dɛn na dɛn bak ɛn de bitwin di Izrɛlayt dɛn we bin dɔn pas ɛn di wan dɛn we bin de waka slo slo, ɔl we dɛn bin no se di Izrɛlayt dɛn bin dɔn taya bad bad wan, we dɛn bin dɔn waka ɔl da waka de.

Ditarɔnɔmi 32:22

Mi vɛksteshɔn kin mek big big faya kech ɛn bɔn ɔltin na dis wɔl. I go rich ɔnda ɔnda di grɔn ɛn go bɔn ɔnda dɛn mawnten dɛn.

Ditarɔnɔmi 9:22

I se na so dɛn bin du igen na Tabɛra, Masa ɛn na Kibroth Atava; dɛn bin du bad tin dɛn we bin mek PAPA GƆD vɛks.

Di Ibru Pipul Dɛn 12:29

bikɔs wi Gɔd na faya we de bɔn ɔltin.

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.