Di Nɔmba Dɛm 10:12 - Krio Fɔs Oli Baybul

¹² so di Izrɛlayt dɛn muf dɛn kamp we dɛn bin dɔn de na di ɛmti land we pɔsin nɔ go ebul tap na Saynay ɛn waka go bɔku say te di klawd tap na di ɛmti land we pɔsin nɔ go ebul tap na Paran.

Di Nɔmba Dɛm 10:12 Iomraidhean Croise

Jɛnɛsis 14:6

ɛn di Orayt dɛn na dɛn yon mawnten na Sɛir. Dɛn rɔnata dɛn sote dɛn rich na Ɛl Paran we de na di ples we pɔsin nɔ go ebul tap in bɔda

Jɛnɛsis 21:21

In mama fɛn wan uman we kɔmɔt Ijipt fɔ am fɔ mared.

1 Kiŋ 11:18

Dɛn waka frɔm Midian te go Paran, dɔn dɛn tek sɔm man dɛn na Paran fɔ fala dɛn go Ijipt te dɛn rich to di kiŋ. Di kiŋ gi Adad os ɛn land fɔ tap wit tin fɔ it.

Ɛksodɔs 13:20

Di Izrɛlayt dɛn lɛf Sɔkɔt ɛn go te rich di bawndri na Itham nia di ɛmti ples we pɔsin nɔ go ebul tap.

Abakɔk 3:3

PAPA GƆD kɔmɔt Idɔm kam bak; di wan we oli de kɔmɔt na di il dɛn na Paran fɔ kam in brayt brayt layt de shayn na ɛvin ɛn ath, ɛn dat de mek ɔlman na wɔl wan fɔ prez am.

Di Nɔmba Dɛm 1:1

Na di fɔs de pan di sɛkɛn mɔnt na di ia we di Izrɛlayt dɛn kɔmɔt insay Ijipt, nain PAPA GƆD tɔk to Mozis. Da tɛm de Mozis bin de insay di Tɛnt usay dɛn kin mit PAPA GƆD na di ɛmti land we pɔsin nɔ go ebul tap na Saynay. I tɛl am se,

Di Nɔmba Dɛm 10:33

So dɛn lɛf di mawnten usay PAPA GƆD de ɛn waka fɔ tri de. Di Kɔvinant Bɔks bin de bifo dɛn fɔ di tri de fɔ fɛn ples fɔ dɛn fɔ tap.

Di Nɔmba Dɛm 12:16

We i kam bak, dɛn muf kɔmɔt na Azarɔth ɛn kamp na di ɛmti land we pɔsin nɔ go ebul tap na Paran.

Di Nɔmba Dɛm 13:26

Dɛn go bak to Mozis ɛn Erɔn ɛn di wanol Izrɛlayt kɔmyuniti we bin de nia Kedɛsh na di ɛmti land we pɔsin nɔ go ebul tap na Paran. Dɛn ripɔt to ɔlman ɛn sho dɛn di frut dɛn we dɛn briŋ kam.

Di Nɔmba Dɛm 13:3

So Mozis du jɛs lɛkɛ aw PAPA GƆD tɛl am, ɛn sɛn dɛn go frɔm di ɛmti land we pɔsin nɔ go ebul tap na Paran.

Di Nɔmba Dɛm 2:34

Di Izrɛlayt dɛn du ɔltin we PAPA GƆD bin tɛl Mozis se dɛn fɔ du; dɛn kamp bay dɛn grup wit dɛn bana ɛn lɛf bay dɛn grup. Ɔlman bin de wit in yon fambul dɛn yon grup.

Di Nɔmba Dɛm 9:1

Afta dɛn kɔmɔt Ijipt na di fɔs mɔnt na di sɛkɛn ia, PAPA GƆD tɔk to Mozis.

Di Nɔmba Dɛm 9:17

Ɛnitɛm we di klawd kin grap pan di Tɛnt, di Izrɛlayt dɛn kin bigin waka, dɔn we i lɛf fɔ muf, dɛn kamp usay i tap.

Di Nɔmba Dɛm 9:5

ɛn dɛn du am we san go dɔŋ na di fotin de na di fɔs mɔnt. Di Izrɛlayt dɛn du ɔltin lɛkɛ aw PAPA GƆD bin dɔn tɛl Mozis.

Ditarɔnɔmi 1:1

Na di tin dɛn dɛnwanya we Mozis bin tɛl di Izrɛlayt dɛn we dɛn bin de na di ɛmti ples we pɔsin nɔ go ebul tap we de biɛn Riva Jɔdan. Dis ples ya de insay di Jɔdan vali we de bitwin Paran na wan say ɛn Tofɛl, Leban, Azirɔth ɛn Dizaab na di ɔda say.

Ditarɔnɔmi 1:19

Mozis kɛri ɔn fɔ tɛl di Izrɛlayt dɛn ɔl wetin bin dɔn bi; I se we dɛn bin kɔmɔt Mawnt Saynay, dɛn bin si se dɛn bin pas insay da bad bad ɛmti ples we pipul nɔ go ebul tap we dɛn bin de go na di Amɔrayt dɛn kɔntri we de na dɛn il, jɛs lɛkɛ aw dɛn PAPA GƆD bin dɔn tɛl dɛn fɔ du; dɛn bin go na Kedɛsh Bania.

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.

Ditarɔnɔmi 33:2

I se, PAPA GƆD kam dɔŋ Mawnt Saynay ɛn kɔmɔt lɛkɛ di san ɛn shayn lɛk san oba Idɔm, ɛn in layt bin de shayn kɔmɔt Mawnt Paran, tawzin tawzin enjɛl dɛn bin de wit am ɛn faya bin de kɔmɔt nain raytan.

1 Samiɛl 25:1

Samiɛl day ɛn ɔlman na Izrɛl gɛda fɔ mek bɛrin fɔ am; dɔn dɛn bɛr am nain siti na Rama. Devid ɛn in man dɛn, muf go dɔŋ na di ɛmti land we pɔsin nɔ go ebul tap na Meɔn.