Di Nɔmba Dɛm 1:5 - Krio Fɔs Oli Baybul

⁵ Na di man dɛn dis we PAPA GƆD se fɔ ɛp am, pan Rubɛn in fambul dɛn, yu gɛt, Ɛlayzɔ we na Shɛdiɔ in bɔypikin;

Di Nɔmba Dɛm 1:5 Iomraidhean Croise

1 Kronikuls 27:16

Fɔ di Rubɛnayt dɛm, Ɛlieza Zikray in bɔypikin nain na di chif supavaysɔ fo di Simiɔnayt dɛm na Shefataya Mayaka in bɔypikin.

Di Nɔmba Dɛm 1:6

pan Simiɔn in fambul dɛn, yu gɛt, Shɛlumiɛl we na Zurishaday in bɔypikin;

Di Nɔmba Dɛm 10:14

Di grup we de na Juda Kamp, na dɛn go fɔs wit dɛn bana lɛkɛ aw i fɔ bi. Nashɔn we na Aminadab in bɔypikin na bin dɛn lida.

Di Nɔmba Dɛm 10:18

Na Rubɛn Kamp in bin de biɛn dɛn wit dɛnsɛf yon bana. Ɛlayzɔ we na Shɛdiɔ in bɔypikin bin de lid dɛn.

Di Nɔmba Dɛm 2:10

Na di sawtɛn pat yu bin gɛt di Rubɛn Kamp we fɔ de bay grup wit dɛnsɛf yon bana. Di lida fɔ Rubɛn in fambul dɛn na Ɛlayzɔ we na Shɛdiɔ in bɔypikin.

Di Nɔmba Dɛm 2:3

Bay di istɛn pat, nia usay di san kin grap na mɔnin yu gɛt Juda Kamp. Na de Juda in pipul dɛn fɔ de. Dɛn fɔ de de bay grup wit dɛn bana ɛn Nashɔn we na Aminadab in bɔypikin na dɛn lida.

Di Nɔmba Dɛm 7:12

Di fɔs de na Nashɔn we na Aminadab in bɔypikin ɛn di Juda fambul dɛn lida, nain briŋ in yon prɛzɛnt.

Di Nɔmba Dɛm 7:2

Dɛn di lida dɛn na Izrɛl we na bin di big wan dɛn na dɛn famili we bin de ɛp kɔnt dɛn fambul dɛn, gi prɛzɛnt dɛn.

Di Nɔmba Dɛm 7:30

Na di nɔmba fo de, nain Ɛlayzɔ we na Shɛdiɔ in bɔypikin, ɛn na di lida fɔ Rubɛn in fambul dɛn, briŋ in prɛzɛnt.