Mak 8:34 - Krio Fɔs Oli Baybul

³⁴ Jizɔs kɔl di pipul dɛn ɛn in lanin bɔy dɛn; i tɛl dɛn se, “If ɛnibɔdi want bi mi lanin bɔy, di pɔsin nɔ fɔ du wetin in want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du ɔl wetin a de du.

Mak 8:34 Iomraidhean Croise

1 Kiŋ 14:8

Dɔn i pul di kindɔm na Devid in an ɛn gi am fɔ rul, bɔt i nɔ biev insɛf lɛkɛ in savant Devid we bin de du ɔl wetin i tɛl am ɛn bin de sav am wit ɔl in at ɛn du wetin rayt.

Di Nɔmba Dɛm 14:24

Bɔt bikɔs Kelɛb, mi savant, gɛt difrɛn spirit ɛn de sav mi wit ɔl in at, a go kɛr am na di land we i bin go wach ɛn in ɛn in jɛnareshɔn go tap de as dɛn yon.

Matyu 10:38

Ɛnibɔdi we nɔ rɛdi fɔ tot in yon krɔs, dat na fɔ sɔfa ɛn day lɛkɛ aw a go day ɛn du ɔl wetin a de du, da pɔsin de nɔ fit fɔ bi mi lanin bɔy.

Matyu 16:24

Dɔn Jizɔs tɛl in lanin bɔy dɛn se, “If ɛnibɔdi want bi mi lanin bɔy, di pɔsin nɔ fɔ du wetin i want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du wetin a de du.

Matyu 27:32

Wɛn dɛn de go, dɛn mit wan man we nem Saymɔn we bɔn na Sayrini, di soja man dɛn fos am fɔ tot Jizɔs in krɔs.

Mak 10:21

Jizɔs luk di man ɛn lɛk am, so i se, “Wan tin lɛf we yu nɔ du yet, go sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin, da tɛm de yu go jɛntri na ɛvin; dɛn, kam bi mi lanin bɔy.”

Mak 7:14

Jizɔs kɔl di pipul dɛn bak ɛn se, “A want mek una ɔl lisin mi gud, so dat una go lan.

Lyuk 13:24

“Una tray mek una go pas na di do we smɔl fɔ pas ɛn go insay di ples we Gɔd de rul. A de tɛl una se, plɛnti pipul go tray fɔ go insay de, bɔt dɛn nɔ go ebul.

Lyuk 14:33

Na dat mek, ɛnibɔdi we nɔ lɛf ɔltin na wɔl fɔseka mi, nɔ go bi mi lanin bɔy.

Lyuk 18:22

Wɛn Jizɔs yɛri wetin di man tɔk, Jizɔs tɛl am se, “Na wan tin lɛf we yu nɔ du yet. Go, sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin. Wɛn yu dɔn du dat, yu go jɛntri na ɛvin. Afta dat kam bi mi lanin bɔy.”

Lyuk 20:45

Jizɔs tinap bifo ɔl di pipul dɛn ɛn tɛl in lanin bɔy dɛn se,

Lyuk 9:23

Jizɔs tɛl dɛn se, “If ɛnibɔdi want bi mi lanin bɔy, da pɔsin de nɔ fɔ du wetin in want fɔ du nɔmɔ, i fɔ rɛdi fɔ sɔfa ɛn day fɔseka mi ɛvri de ɛn du ɔl wetin a de du.

Jɔn 10:27

Mi ship dɛn de lisin wetin a se, ɛn dɛn de fala mi. A no dɛn ɔl.

Jɔn 19:17

Jizɔs insɛf tot in krɔs nain sholda, sote i rich na wan ples we dɛn kɔl “Di ples we tan lɛkɛ mɔtalman ed”. (Di Ibru pipul dɛn de kɔl da ples de “Gɔlgɔta”.)

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Lɛta Fɔ Rom 6:6

Ɛn wi no fɔ tru se, di layf we wi bin liv fɔs tɛm dɔn di sem tɛm we dɛn kil Jizɔs Krays na di krɔs, so Gɔd dɔn pul di sin we bin de rul wi layf ɛn mek sin nɔ gɛt pawa na wi layf igen.

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

1 Kɔrint 15:31

Mi kɔmpin Kristiɛn dɛn, ɛvri de a de luk day nain yay! A de tɛl una dis bikɔs a prawd we unasɛf de waka wit wi Masta Jizɔs Krays.

1 Kɔrint 8:13

So if we a de it it we dɛn dɔn sakrifays to dɛn tin we mɔtalman de pre to, dat go mek mi kɔmpin Kristiɛn sin, a nɔ go it da it de igen so dat a nɔ go mek mi Kristiɛn brɔda sin, fɔseka dat.

1 Kɔrint 9:19

Mi na fri man, mi nɔto slev to ɛnibɔdi; bɔt a de mek misɛf slev to ɔlman, so dat a go briŋ ɔl dɛn wan we a kin briŋ, kam to Krays.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Lɛta Fɔ Filipay 3:10

Naw ɔl wetin a want na fɔ no Krays ɛn fɔ mek in pawa kam na mi layf, da pawa we mek i rayz frɔm di grev, a want sɔfa lɛkɛ aw i bin sɔfa ɛn a want day lɛkɛ aw i day,

Lɛta Fɔ Filipay 3:7

Bɔt ɔl dɛn tin ya we bin ful mi yay, a nɔ tek dɛn mek natin naw fɔseka Krays.

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Sɛkɛn Lɛta Fɔ Tɛsalonayka 3:11

Wi bin tɔk dat bikɔs wi yɛri se sɔm pipul de wit una we nɔ want du natin pas fɔ put mɔt pan ɔda pipul biznɛs.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Di Ibru Pipul Dɛn 13:13

So, una lɛ wi kɔmɔt insay di tɔŋ ɛn fala Jizɔs, ɛn bia di shem sɛf we i sɔfa na di krɔs.

Pita In Fɔs Lɛta 4:1

So, bikɔs Krays sɔfa wɛn i day na di krɔs, unasɛf fɔ rɛdi wɛn una de sɔfa, fɔ tink lɛkɛ aw Krays bin de tink ɛnitɛm we i de sɔfa, bikɔs pɔsin we de sɔfa dɔn dɔn wit sin.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Pita In Sɛkɛn Lɛta 1:14

A no se day nɔ fa igen fɔ mi lɛkɛ aw wi Masta Jizɔs dɔn tɛl mi.

Jɔn In Fɔs Lɛta 3:16

Na dis mek wi no wetin lɛk min: Krays sakrifays in layf fɔseka wi. Semwe so, wisɛf fɔ sakrifays wi layf fɔseka wi kɔmpin mɔtalman!

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.