Mak 8:23 - Krio Fɔs Oli Baybul

²³ Jizɔs ol di blɛnyay man in an, i waka wit di man kɔmɔt na di vilej. I pit pan di man in tu yay, dɔn i tɔch dɛn. I aks am se, “Yu si ɛnitin?”

Mak 8:23 Iomraidhean Croise

Ayzaya 44:2

Na dis PAPA GƆD we mek yu, se, we mol yu na yu mami bɛlɛ, ɛn we go ɛp yu: Nɔ fred, yu Jekɔb we na mi wokman, Jɛshurɔn we a dɔn pik.

Ayzaya 51:18

Nɔbɔdi nɔ de fɔ gayd am pan ɔl di bɔypikin dɛn we i dɔn bɔn; nɔn nɔ de fɔ ol in an pan ɔl di bɔypikin dɛn we i mɛn.

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.

Mak 5:23

I beg am se, “Masta, mi gyal pikin de day, duya, kam put yu an pan in ed ɛn pre fɔ am mek i nɔ day.”

Mak 7:33

So Jizɔs kɛr di man go na kɔna, i put in fiŋa dɛn insay di man in yes, dɔn i pit ɛn tɔch di man in tɔŋ.

Mak 8:24

Di man luk, i se, “Yɛs, sa, a si sɔm pipul de waka, bɔt dɛn tan lɛkɛ tik we de waka.”

Mak 8:26

Jizɔs se, “Go na yu os, bɔt nɔ go bak na di vilej yet!”

Apɔsul Dɛn Wok 23:19

Di edman ol di man in an, dɛn go na kɔna. I aks am se, “Wetin yu want tɛl mi?”

Apɔsul Dɛn Wok 9:8

Sɔl grap ɛn opin in yay, bɔt i nɔ ebul si natin. So di man dɛn we bin de wit am go ol in an ɛn kɛr am go Damaskɔs.

Di Ibru Pipul Dɛn 8:9

Dis nyu agrimɛnt ya nɔ go tan lɛkɛ di wan we a bin mek wit dɛn granpapa-papa dɛn, da tɛm we misɛf bin tek dɛn kɔmɔt na Ijipt. Dɛn bin pwɛl di agrimɛnt we a mek wit dɛn, so a bin lɛf dɛn to dɛnsɛf.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.