Mak 7:9 - Krio Fɔs Oli Baybul

⁹ I tɔk igen se, “Una tink se una gɛt sɛns we una nɔ tek wetin Gɔd tɛl una fɔ du mek natin ɛn una jɛs de du wetin una grampapa papa dɛn bin tɛl una yon Ju pipul dɛn fɔ du!

Mak 7:9 Iomraidhean Croise

Di Sam Dɛm 119:126

PAPA GƆD tɛm dɔn rich fɔ mek yu du sɔntin, pipul nɔ de obe yu lɔ.

Ayzaya 24:5

Di grɔn nɔ klin na PAPA GƆD in yay, ɔnda di wan we tap pantap am; bikɔs dɛn dɔn brok di lɔ dɛm, dɛn nɔ du wetin PAPA GƆD se, dɛn dɔn brok di Kɔvinant we na fɔ sote go.

Ayzaya 29:13

Ɛn PAPA GƆD se: “Bikɔs dɛn pipul ya kam nia mi wit dɛn mɔt ɛn ɔna mi wit dɛn lip, we dɛn at nɔ de to mi, ɛn di fred we dɛn de fred mi, na mɔtalman lɔ we dɛn kram;

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Mak 7:13

Dat sho se una dɔn lɛf fɔ du wetin Gɔd se, ɛn una jɛs de du dɛn tin we una grampapa papa dɛn lan una yon Ju pipul fɔ du, ɛn una de lan una pikin dɛn dɛn sem tin de. Una de du plɛnti ɔda tin dɛn lɛkɛ dɛn wan ya.”

Mak 7:3

Di Faresi dɛn ɛn ɔl di ɔda Ju dɛn nɔ de it pas dɛn was dɛn an di spɛshal we we dɛn grampapa papa dɛn bin lan dɛn yon Ju pipul fɔ du;

Mak 7:5

Di Faresi dɛn ɛn di Ju Lɔ ticha dɛn aks Jizɔs se, “Wetin du yu lanin bɔy dɛn nɔ de du lɛkɛ aw wi grampapa papa dɛn lan wi? Wetin du dɛn nɔ de was dɛn an di spɛshal we bifo dɛn it?”

Lɛta Fɔ Rom 3:31

Dat min se, bikɔs wi biliv pan Jizɔs Krays, di Lɔ nɔ min natin fɔ wi igen? Wi nɔ go put di Lɔ wansay. Di biliv we wi biliv pan Jizɔs Krays sho se di Lɔ min sɔntin.

2 Kɔrint 11:4

Wetin mek a se so, na bikɔs una de lisin to ɛnibɔdi we kam tɛl una bɔt ɔda Jizɔs we wi nɔ tɛl una bɔt, ɔ ɔda spirit we difrɛn frɔm di Spirit we wi tɛl una bɔt, ɛn una de lisin to ɛnibɔdi we kam tɛl una gud nyuz we difrɛn frɔm di Gud Nyuz we wi tɛl una.

Lɛta Fɔ Galeshya 1:14

A bin du plɛnti tin pas plɛnti mi kɔmpin yɔŋ pipul dɛn fɔ fala di we we mi Ju pipul dɛn de fala Gɔd, bikɔs a bin want kip dɛn tin we wi grampapa papa dɛn lan wi, we dɛnsɛf bin de fala.

Lɛta Fɔ Galeshya 2:21

A nɔ go tek di gud we Gɔd gud to mi ɛn di lɛk we Gɔd lɛk mɔtalman, mek natin. If na di Ju Lɔ we pɔsin de kip de mek ɔltin rayt bitwin in ɛn Gɔd, dat min se di day we Krays day nɔ min natin!

Sɛkɛn Lɛta Fɔ Tɛsalonayka 2:4

Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.