Mak 7:7 - Krio Fɔs Oli Baybul

⁷ Di pre we dɛn de pre to mi nɔ min natin, bikɔs dɛn de lan pipul dɛn lɔ we nɔto mi yon!’”

Mak 7:7 Iomraidhean Croise

Ayzaya 29:13

Ɛn PAPA GƆD se: “Bikɔs dɛn pipul ya kam nia mi wit dɛn mɔt ɛn ɔna mi wit dɛn lip, we dɛn at nɔ de to mi, ɛn di fred we dɛn de fred mi, na mɔtalman lɔ we dɛn kram;

Malakay 3:14

PAPA GƆD sɛf mɛmba dɛn se, dɛn dɛn tɔk se dɛn de westɛm fɔ du wetin PAPA GƆD want. Dɛn nɔ gɛt natin fɔ bɛnifit if dɛn de sho PAPA GƆD Ɔlmayti se dɛn sɔri.

Matyu 15:9

Di pre we dɛn de pre to mi nɔ min natin, bikɔs dɛn de lan pipul dɛn lɔ we nɔto mi yon.’”

Matyu 6:7

“Wɛn una de pre, una nɔ fɔ de tɔk plɛnti plɛnti wɔd dɛn we nɔ min natin, lɛkɛ aw dɛn pipul we nɔ biliv pan Gɔd de du, dɛn tink se Gɔd go yɛri dɛn bikɔs dɛn pre lɔŋ pre.

1 Kɔrint 15:14

ɛn if Krays nɔ bin rayz frɔm di grev, dɛn di Gud Nyuz we wi de tɛl pipul nɔ min natin, ɛn di biliv we una biliv pan Krays nɔ min natin.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Ditarɔnɔmi 12:32

I se dɛn fɔ mek shɔ se dɛn du ɔl wetin i bin dɔn tɛl dɛn se PAPA GƆD se dɛn fɔ de du; dɛn nɔ fɔ put de, dɛn nɔ fɔ pul de.

Lɛta Fɔ Kɔlɔse 2:22

Ɔl dɛn tin ya we di lɔ se nɔ fɔ it ɔ drink go dɔn wɛn pɔsin it dɛn ɔ drink dɛn. Na mɔtalman mek dɛn lɔ ya we dɛnsɛf de lan pipul.

Taytɔs 3:9

Bɔt nɔ gɛt natin fɔ du wit dɛn nɔnsɛns agyu, nɔ agyu bɔt wi grampapa papa dɛn nem, nɔ mek plaba ɛn fɛt bɔt dɛn tin we di Lɔ se wi fɔ du. Ɔl dat nɔ min natin ɛn dɛn nɔ go mek yu gen ɛnitin.

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Jems 2:20

Una we nɔ de gri fɔ ɔndastand! If una biliv Gɔd, bɔt una nɔ de du dɛn tin we sho se una biliv Gɔd, di biliv we una se una biliv Gɔd, nɔ min natin.

Rɛvɛleshɔn 22:18

A de wɔn una, if ɛnibɔdi we yɛri dɛn wɔd ya we Gɔd mek pɔsin rayt na dis buk, ad sɔntin mɔ to dɛn, Gɔd go mek dɛn bad bad tin we dɛn rayt bɔt na dis buk, bi to di pɔsin fɔ pɔnish am mɔ ɛn mɔ.

1 Samiɛl 12:21

Una nɔ fala dɛn ɔda gɔd dɛn de. Dɛn nɔ ebul du natin.