Mak 6:6 - Krio Fɔs Oli Baybul

⁶ Jizɔs wɔnda we di pipul dɛn nɔ biliv pan am. Jizɔs go na dɛn vilej we de klos Nazarɛt ɛn lan di pipul dɛn bɔt Gɔd.

Mak 6:6 Iomraidhean Croise

Ayzaya 59:16

I si se pɔsin nɔ bin de, ɛn i wɔnda se nɔbɔdi nɔ de fɔ put mɔt de, na datɛnde, in yon an mek i gɛt viktri, ɛn in raychɔsnɛs mek i ebul tinap.

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Matyu 4:23

Jizɔs go ɔlɔbɔt na Galili de tich pipul na di Ju mitin os dɛn, i tɛl dɛn di Gud Nyuz bɔt di tɛm we Gɔd de kam rul, ɛn i mɛn pipul we gɛt ɔl kayn sik.

Matyu 8:10

Jizɔs wɔnda we i yɛri wetin di Roman ɔfisa se, i tɔk to di pipul dɛn we bin de fala am. I se, “A de tɛl una se, wande a nɔ si pɔsin we biliv Gɔd lɛkɛ dis na Izrɛl.

Matyu 9:35

Jizɔs go ɔlɔbɔt na dɛn tɔŋ ɛn vilej, de lan pipul na dɛn Ju mitin os ɛn tɛl dɛn di Gud Nyuz bɔt Gɔd in rul, ɛn i mɛn dɛn pipul we gɛt ɔl kayn sik.

Mak 1:39

Jizɔs go ɔlɔbɔt na dɛn Ju mitin os we de na Galili de tɛl pipul Gɔd in wɔd ɛn drɛb dɛbul kɔmɔt insay dɛn.

Mak 10:1

Jizɔs kɔmɔt Kepanyɔm go Judia, dɛn i krɔs Riva Jɔdan. Plɛnti pipul go gɛda rawnd am, ɛn i lan dɛn bɔt Gɔd lɛkɛ aw i kin de du.

Lyuk 13:22

Wɛn Jizɔs de go Jerusɛlɛm, i bin de lan di pipul dɛn na ɔl dɛn tɔŋ ɛn dɛn vilej we i bin de pas.

Lyuk 4:31

Jizɔs go Kepanyɔm we de na Galili. I bin de lan di pipul dɛn di de fɔ pre ɛn blo.

Lyuk 4:44

Jizɔs bin de go na ɔl dɛn Ju mitin os, na Judia, de tɛl pipul di Gud Nyuz.

Jɔn 9:30

Di man se, “A wɔnda-o! Una nɔ no di tɔŋ we dis man ya kɔmɔt, bɔt i dɔn mɛn mi yay.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.