Mak 4:26 - Krio Fɔs Oli Baybul

²⁶ Jizɔs tɛl dɛn igen se, “Gɔd in rul jɛs tan lɛkɛ we wan pɔsin skata sid na fam fɔ plant am.

Mak 4:26 Iomraidhean Croise

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Ɛkliziastis 11:4

Ɛnibɔdi we na aw di briz de blo i de luk, nɔ go plant; if na di klawd nɔmɔ i de luk, i nɔ go pik wetin i plant.

Ɛkliziastis 11:6

Na mɔnin, yu de plant yu sid, ivintɛm, yu stil de fɛn tin fɔ du; bikɔs yu nɔ no uswan go bɛnifit yu, di mɔnin yon ɔ di ivintɛm yon, ɔ sɔntɛnde, dɛn ɔltu.

Ayzaya 32:20

Una go gladi, una we go plant nia ɔl dɛn watasay, we de lɛf di kaw ɛn di dɔŋki dɛn fɔ waka fri.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Matyu 13:24

Jizɔs pul ɔda parebul fɔ dɛn se, “Gɔd in rul tan lɛkɛ we wan man plant gud sid nain fam.

Matyu 13:3

I bin de pul parebul fɔ di pipul dɛn. I se, “Wande ya, wan fama lɛf fɔ go plant sid.

Matyu 13:31

Jizɔs pul ɔda parebul fɔ dɛn, i se, “Gɔd in rul tan lɛkɛ we man tek mɔstad sid ɛn plant am nain fam.

Matyu 13:33

Jizɔs pul ɔda parebul fɔ dɛn, i se, “Gɔd in rul tan lɛkɛ we uman tek smɔl yist ɛn miks am wit wan kitul flawa sote di do fɔ mek bred rayz.”

Matyu 3:2

“Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos!”

Matyu 4:17

Frɔm da tɛm de Jizɔs bigin tɛl pipul se, “Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos una.”

Mak 4:25

Pɔsin we gɛt sɔntin, Gɔd go gi am mɔ, bɔt pɔsin we nɔ gɛt natin, di lili bit sɛf we i gɛt, Gɔd go tek am.”

Mak 4:27

De ɛn nɛt, if i wek ɔ if i de slip, di sid dɛn de gro, bɔt insɛf nɔ no aw dɛn de gro.

Lyuk 13:18

Wɛn dat dɔn, Jizɔs se, “Aw Gɔd in rul tan ɛn wetin a go tek fɔ sho aw i tan?

Lyuk 8:11

“Na di parebul in minin dis: Di sid dɛn na Gɔd in wɔd.

Lyuk 8:5

“Wan fama bin de plant sid. Wɛn i de skata di sid dɛn, sɔm fɔdɔm na di rod; pipul mas sɔm ɛn dɛn bɔd it sɔm.

Jɔn 12:24

A de tɛl una se: wan kɔn sid nɔ go pas wan if pɔsin nɔ plant am. Bɔt if pɔsin plant am na grɔn, i go day, da tɛm de i go gro ɛn bia plɛnti sid.

Jems 3:18

Dɛn pipul we de mek pis, tan lɛkɛ fama we de plant sid. Di pis we dɛn de mek tan lɛkɛ di sid we fama plant. Dis sid ya go bia plɛnti gud na pipul dɛn at.