Mak 4:19 - Krio Fɔs Oli Baybul

¹⁹ bɔt di tin dɛn na dis wɔl we dɛn want du, di jɛntri we dɛn want, ɛn di ɔda tin dɛn we dɛn want mek di Gud Nyuz nɔ gɛt ples fɔ prɛd na dɛn at lɛkɛ wɛn plant de bia.

Mak 4:19 Iomraidhean Croise

Prɔvabs 23:4

Nɔ kil yusɛf yu de fɛn jɛntri, tek tɛn fɔ du am;

Prɔvabs 23:5

bikɔs, sɔntɛm we yu dɔn gɛt am dɔn, ɔl kin flay lɛkɛ briz, dɔn yu lɔs ɔltin.

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ayzaya 5:2

I dig am ɛn i klia ɔl di ston ston kɔmɔt, ɛn plant dɛn fɔs klas greps de; i bil wachman tawa midul de, dɛn i dig usay fɔ mas di greps fɔ pul di wayn; ɛn bin luk fɔ am fɔ bia greps, bɔt na sawa greps i bia.

Ayzaya 5:4

Wetin mɔ a fɔ du fɔ mi grep fam we a nɔ du yet? Wɛn a de luk se i go bia greps, wetin mek i bia sawa grep?

Matyu 13:22

Dɛn sid we fɔdɔm midul chuk chuk bush na dɛn wan we yɛri di wɔd bɔt mi, bɔt di waala ɛn di jɛntri we dɛn want na dis wɔl kil di wɔd na dɛn at, dat mek dɛn nɔ du plɛnti tin fɔ Gɔd.

Matyu 19:23

Wɛn i dɔn go, Jizɔs bigin tɔk to in lanin bɔy dɛn, i se, “A de tɛl una fɔ tru se, i go traŋa bad fɔ mek dɛn jɛntri pipul kam ɔnda Gɔd in rul.

Matyu 3:10

Di aks we fɔ tek kɔt di tik dɛn rut dɔn rɛdi naw; ɔl dɛn tik we nɔ de bia gud tin fɔ it, dɛn go kɔt dɛn ɛn trowe dɛn na faya.

Mak 4:18

Dɛn sid we fɔdɔm na chuk chuk bush na dɛn pipul we yɛri di Gud Nyuz,

Lyuk 10:41

Jizɔs se, “Mata, Mata, yu put plɛnti tin na yu ed ɛn dat de wɔri yu,

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Jɔn 15:2

Ɛni an we de pan mi we nɔ de bia, i de kɔt am kɔmɔt, ɛn ɛni an we de bia, i de trim am, so dat i kin bia mɔ.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Lɛta Fɔ Ɛfisɔs 2:2

Da tɛm de una bin de du ɔl dɛn bad tin we di pipul dɛn na di wɔl de du. Una bin de du wetin di dɛbul dɛn edman we de ɔlɔbɔt tɛl una fɔ du, nain de rul dɛn pipul we nɔ de du wetin Gɔd tɛl dɛn fɔ du.

Lɛta Fɔ Ɛfisɔs 6:12

Wi nɔ de fɛt mɔtalman, wi de fɛt dɛn pawa we wi nɔ de si, dɛn pawa we de rul dis dak wɔl ɛn dɛn wan we de ɔp ɔp na di klawd.

Lɛta Fɔ Filipay 4:6

Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Sɛkɛn Lɛta To Timoti 4:10

Bikɔs Dimas lɛk dɛn tin we de na di wɔl, i dɔn lɛf mi go; i dɔn go Tɛsalonayka. Krɛsɛns go Galeshya, Taytɔs go Dalmeshia.

Pita In Sɛkɛn Lɛta 1:8

If dɛn tin ya de na una at ɛn una de du dɛn mɔ ɛn mɔ, di sabi we una sabi wi Masta Jizɔs Krays go mek una ebul du plɛnti gud wok we go ɛp ɔda pipul.

Jud In Lɛta 1:12

Wɛn una ɔl we biliv pan Krays gɛda wan ples fɔ it, bay aw dɛn pipul ya kin de it, yu kin si se dɛn nɔ gɛt shem ɛn dɛn nɔ de mɛmba ɔda pipul, dat mek dɛn tan lɛkɛ dɔti pan klin klos; dɛn tan lɛkɛ klawd we kin dak lɛkɛ se ren want kam, bɔt briz kin blo am go; ɛn igen, dɛn tan lɛkɛ dɛn tik we nɔ de bia di tɛm we dɛn fɔ bia, we sho se dɛn dɔn day ɛn wɛn pɔsin dɔn rut dɛn, dɛn day ɔltogɛda.