Mak 4:16 - Krio Fɔs Oli Baybul

¹⁶ Dɛn sid we fɔdɔm na grɔn we gɛt ston ston, na dɛn pipul we yɛri di Gud Nyuz ɛn biliv am wantɛm ɛn gladi.

Mak 4:16 Iomraidhean Croise

Matyu 13:5

Sɔm fɔdɔm na ston ston usay bɛtɛ dɔti nɔ de. Di smɔl dɔti we bin lib de mek di sid bɔs kwik,

Mak 4:15

Di sid dɛn we fɔdɔm na di rod na pipul we yɛri di Gud Nyuz; as dɛn yɛri am so, Setan kam pul am kɔmɔt na dɛn at.

Mak 4:17

Bɔt di wɔd nɔ sidɔm gud na dɛn at; dɛn tan lɛkɛ plant we nɔ gɛt rut. Wɛn trɔbul mit dɛn, ɔ pipul ambɔg dɛn bikɔs dɛn biliv di Gud Nyuz, dɛn kin kɔmɔt na di rayt rod.

Mak 6:20

Kiŋ Ɛrɔd bin fred Jɔn bikɔs i bin no se Jɔn de waka tret ɛn i nɔ de du bad, so i du ɔl wetin i ebul fɔ mek natin nɔ du Jɔn. Ɛnitɛm we Kiŋ Ɛrɔd kin yɛri wetin Jɔn de tɛl pipul bɔt Gɔd, dat kin mek i wɔri, bɔt pan ɔl dat i kin gladi fɔ yɛri am.

Lyuk 8:13

Dɛn sid we fɔdɔm pan ston ston na dɛn pipul we yɛri Gɔd in wɔd; dɛn gladi ɛn biliv am, bɔt dɛn tan lɛkɛ tin we fɔ gro bɔt we nɔ gɛt rut; dɛn kin biliv fɔs, bɔt wɛn Setan tray dɛn lili bit nɔmɔ, dɛn nɔba biliv igen.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Apɔsul Dɛn Wok 26:28

Agripa tɛl Pɔl se, “Pɔl, yu min se yu go mek a bi Kristiɛn kwik kwik wan so?”

Apɔsul Dɛn Wok 8:13

Saymɔn, insɛf, we bin de ple majik, biliv pan Jizɔs Krays. Wɛn Filip dɔn baptayz am, i bigin fala Filip go ɔlɔbɔt. Di wɔndaful wok dɛn we Filip bin de du mek Saymɔn wɔnda.