Mak 4:11 - Krio Fɔs Oli Baybul

¹¹ Jizɔs ansa dɛn se, “Na una gɛt di chans fɔ no di sikrit bɔt Gɔd in rul, bɔt dɛn pipul we nɔ de wit wi, na parebul nɔmɔ dɛn de yɛri,

Mak 4:11 Iomraidhean Croise

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

Matyu 13:16

“Bɔt una gɛt blɛsin we una de si ɛn una de yɛri.

Matyu 16:17

Jizɔs se, “Yu du wɛl, Saymɔn, Jɔn in pikin. Nɔto mɔtalman lan yu dis tru tin we yu tɔk so, na mi Papa we de na ɛvin sho yu.

Mak 3:23

Bɔt Jizɔs kɔl di Ju Lɔ ticha dɛn ɛn aks dɛn na parebul se, “Una tink se Setan kin drɛb Setan?

Mak 4:10

Wɛn di krawd dɔn go, sɔm pan di pipul dɛn we bin lɛf ɛn di twɛlv lanin bɔy dɛn aks Jizɔs wetin di parebul dɛn we i pul, min.

Mak 4:2

Na parebul i pul fɔ lan dɛn plɛnti tin; wan pan di parebul dɛn nain dis: I se,

Lyuk 8:10

Jizɔs ansa dɛn se, “Gɔd dɔn gi una di chans fɔ no dɛn sikrit tin bɔt Gɔd in rul, bɔt fɔ dɛn ɔda pipul na parebul a de pul, so dat dɛn go luk bɔt dɛn nɔ go si; dɛn go yɛri, bɔt dɛn nɔ go ɔndastand.

1 Kɔrint 4:7

Udat mek una bɛtɛ pas ɔda pipul? Nɔto Gɔd gi una ɔl wetin una gɛt? If na so, wetin fɔ mek una bost, lɛkɛ se nɔto gi Gɔd gi una ɔl wetin una gɛt?

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Lɛta Fɔ Ɛfisɔs 1:9

fɔ du wetin i plan; i dɔn tɛl wi di plan we i bin ayd, i bin dɔn mekɔp lɔntɛm fɔ sɛn Krays kam du ɔl wetin i bin dɔn plan.

Lɛta Fɔ Kɔlɔse 4:5

Wɛn una de wit dɛn pipul we nɔ biliv pan Krays, una fɔ du ɔltin wit sɛns. Ɛni chans we una gɛt, una fɔ tɛl dɛn di Gud Nyuz.

Fɔs Lɛta Fɔ Tɛsalonayka 4:12

If una du dat una go mek dɛn pipul we nɔto Kristiɛn rɛspɛkt una, ɛn una nɔ go gɛt fɔ abop pan ɛnibɔdi fɔ ɛnitin.

Fɔs Lɛta To Timoti 3:7

I fɔ bi man we pipul we nɔto Kristiɛn sɛf de tɔk gud bɔt, so dat shem nɔ go mit am ɛn i nɔ go fɔdɔm insay Setan in trap.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.