Mak 4:1 - Krio Fɔs Oli Baybul

¹ Jizɔs bigin lan di pipul dɛn bak wɛn dɛn sidɔm na di bich klos Lek Galili. Di krawd we gɛda rawnd am bin tu big, so i go sidɔm insay wan bot na di wata, klos di bich.

Mak 4:1 Iomraidhean Croise

Mak 2:13

Jizɔs kɔmɔt na di os, i go bak klos di wata we nem Lek Galili. Plɛnti pipul go gɛda rawnd am, ɛn i bigin lan dɛn bɔt Gɔd.

Mak 3:7

Jizɔs ɛn in lanin bɔy dɛn go klos di wata we nem Lek Galili. Wɛn di pipul dɛn we kɔmɔt ɔlɔbɔt na Galili, Judia, Jerusɛlɛm, Idumia, ɛn oba Riva Jɔdan, ɛn dɛn tɔŋ we de na Taya ɛn Saydɔn yɛri bɔt wetin Jizɔs du, dɛn go mit Jizɔs nia di lek.

Mak 3:9

Di pipul dɛn bin so plɛnti, dat Jizɔs tɛl in lanin bɔy dɛn fɔ drɔ wan bot kam klos di sho fɔ am, so dat di krawd nɔ go kwis am.

Mak 4:36

Di lanin bɔy dɛn lɛf di pipul dɛn ɛn go insay di bot we Jizɔs sidɔm, dɔn dɛn tek di bot go. Ɔda bot dɛn fala dɛn go.

Mak 5:2

Wɛn Jizɔs kɔmɔt na di bot, wan man kɔmɔt insay di bɛriŋrɔn kam mit am. Di man bin gɛt dɛbul insay am.

Mak 5:21

Wɛn Jizɔs dɔn tek bot krɔs go oba say, bɔku pipul go gɛda rawnd am na di bich.