Mak 3:7 - Krio Fɔs Oli Baybul

^7-8 Jizɔs ɛn in lanin bɔy dɛn go klos di wata we nem Lek Galili. Wɛn di pipul dɛn we kɔmɔt ɔlɔbɔt na Galili, Judia, Jerusɛlɛm, Idumia, ɛn oba Riva Jɔdan, ɛn dɛn tɔŋ we de na Taya ɛn Saydɔn yɛri bɔt wetin Jizɔs du, dɛn go mit Jizɔs nia di lek.

Mak 3:7 Iomraidhean Croise

Matyu 10:23

Wɛn dɛn mek una sɔfa na wan tɔŋ, una fɔ rɔn go na di ɔda tɔŋ. A de tɛl una fɔ tru se, una nɔ go du ɔl di wok na di tɔŋ dɛn na Izrɛl dɔn bifo Mɔtalman Pikin go tɔn bak kam na wɔl.

Matyu 12:15

Wɛn Jizɔs no se dɛn de plan fɔ kil am, i kɔmɔt de; plɛnti pipul fala am go. Jizɔs mɛn ɔl dɛn wan we bin sik,

Matyu 12:16

bɔt i tɛl dɛn nɔ fɔ tɛl ɛnibɔdi bɔt am.

Matyu 4:25

Plɛnti pipul we kɔmɔt Galili, di Tɛn Tɔŋ dɛn, Jerusɛlɛm, Judia, ɛn dɛn pipul we de na di istɛn pat na Riva Jɔdan, bin de fala Jizɔs.

Mak 1:39

Jizɔs go ɔlɔbɔt na dɛn Ju mitin os we de na Galili de tɛl pipul Gɔd in wɔd ɛn drɛb dɛbul kɔmɔt insay dɛn.

Mak 1:45

Bɔt di man go tɛl plɛnti pipul wetin Jizɔs du fɔ am, so di nyuz prɛd ɔlɔbɔt. Dat mek Jizɔs nɔ sho insɛf to pipul dɛn na ɛni tɔŋ igen, bikɔs di pipul dɛn bin tu plɛnti we kam mit am, so i go tap na ples we nɔbɔdi nɔ de. Bɔt pipul bin stil de kɔmɔt ɔlsay go mit am de.

Mak 3:20

Dɛn Jizɔs go na wan os. Krawd kam gɛda rawnd in ɛn in lanin bɔy dɛn igen so dɛn nɔ gɛt chans fɔ it.

Mak 4:1

Jizɔs bigin lan di pipul dɛn bak wɛn dɛn sidɔm na di bich klos Lek Galili. Di krawd we gɛda rawnd am bin tu big, so i go sidɔm insay wan bot na di wata, klos di bich.

Lyuk 23:5

Di pipul dɛn we kɛr Jizɔs go to Paylet se, “Jizɔs mek di pipul dɛn strayk bay di tin dɛn we i de lan pipul na Judia. I bigin na Galili ɛn naw i dɔn rich Jerusɛlɛm.” Dɛn pin.

Lyuk 6:12

Wan ɔda tɛm, Jizɔs bin go ɔp wan il fɔ pre. I pre ol nɛt to Gɔd.

Lyuk 6:17

Wɛn Jizɔs kɔmɔt ɔp di il kam dɔŋ wit in apɔsul dɛn, i go tinap na di lɛvul grɔn wit plɛnti in ɔda lanin bɔy dɛn. Plɛnti pipul bin kam gɛda de, sɔm pan dɛn pipul ya bin kɔmɔt Judia, sɔm bin kɔmɔt Jerusɛlɛm, ɛn sɔm bin kɔmɔt na dɛn tɔŋ we de klos di wata na Taya ɛn Saydɔn.

Jɔn 7:41

Sɔm ɔda pipul dɛn se, “Dis man ya na di Mɛsaya!” Bɔt sɔm ɔda wan dɛn se, “Di Mɛsaya nɔ go kɔmɔt na Galili.

Jɔn 7:52

In kɔmpin dɛn aks am se, “Na Galili yusɛf kɔmɔt? Tek tɛm luk wetin dɛn rayt na Gɔd in Buk, yu go no se prɔfɛt nɔ kɔmɔt na Galili wande.”

Apɔsul Dɛn Wok 17:10

Wɛn nɛt kam, di Kristiɛn dɛn mek Pɔl ɛn Saylas go na Biria. Wɛn dɛn rich de, dɛn go na di Ju mitin os.

Apɔsul Dɛn Wok 17:14

Di Kristiɛn dɛn mek dɛn kɛr Pɔl go wantɛm to sɔm pipul we bin tap klos di wata. Timoti ɛn Saylas bin lɛf na Biria.

Jɔshwa 20:7

So, na di wɛst pat to Riva Jɔdan, dɛn pik Kɛdɛsh we de na Galili we de na di mawnten na Naftali, Shɛkɛm we de na di mawnten na Ifrem ɛn Ɛbrɔn we de na di il dɛn na Juda.

Jɔshwa 21:32

Pan di Naftali fambul dɛn land, na tri siti wit ɔl dɛn land dɛn we plɛnti gras de gro fɔ animal fɔ it, dɛn kɔt gi di Gashɔnayt famili. Di siti dɛn na Kɛdɛsh we de Galili, ɛn na wan pan di siti dɛn we pɔsin we mistek kil pɔsin kin go ayd, Amɔth ɛn Katan.