Mak 3:2 - Krio Fɔs Oli Baybul

² Di Faresi dɛn bin de wach Jizɔs fɔ si if i go mɛn di man we in an day, di de fɔ pre ɛn blo, so dat dɛn go se i dɔn du tin we nɔ rayt.

Mak 3:2 Iomraidhean Croise

Di Sam Dɛm 37:32

Di bad man de wach di gud man, i de fɛn aw fɔ kil am; bɔt PAPA GƆD nɔ go lɛf di gud man to insɛf i mɔs fɛt in kes we go mek dɛn nɔ kɔndɛm am sɛf na kot.

Jɛrimaya 20:10

Bikɔs a de yɛri bɔku bɔku sumu sumu. Fred fred de ɔlɔbɔt! “Pul am kɔmɔt na yu at! Lɛ wi pul am kɔmɔt na yu at! Na so ɔl mi tayt padi dɛn de se, de wach fɔ mi dawnfɔl. ‘Sɔntɛnde, wi go ebul disiv am, datɛnde, wi go gɛt am to wetin wi want, ɛn rivɛnj pan am.”

Daniɛl 6:4

So ɔl di ɔda prɛsidɛnt ɛn Rɛsidɛnt Minista dɛn bigin fɔ fɛn we fɔ kɔmplen bɔt Daniɛl pan di wok we i de du na di kindɔm; bɔt dɛn nɔ bin ebul fɔ fɛn natin fɔ kɔmplen bɔt ɔ fɔ tek fɛn fɔlt pan am, bikɔs i bin tret, ɛn nɔn mistek ɔ fɔlt nɔ bin de pan am.

Matyu 12:10

Wan man bin lib de we in raytan day. Sɔm pipul aks Jizɔs se, “I rayt fɔ mɛn pɔsin di de fɔ pre ɛn blo?” Bikɔs dɛn bin want fɛn fɔlt wit am.

Mak 3:3

Jizɔs tɛl di man we in an day se, “Grap, kam tinap ya.”

Lyuk 14:1

Wande we fɔ pre ɛn blo, Jizɔs bin go it na wan dɛn Faresi dɛn bigman in os; di pipul dɛn na di os bin de wach am.

Lyuk 20:20

So dɛn bigin wach Jizɔs, ɛn dɛn sɛn ɔda pipul fɔ wach am. Dɛn tɛl di pipul dɛn we dɛn sɛn, fɔ mek lɛkɛ se dɛn na gud pipul, so dat dɛn go tek di wɔd dɛn we Jizɔs de tɔk kech am ɛn dɛn go kɛr am go bifo di bigman we de rul fɔ mek i go jɔj am.

Lyuk 6:7

Sɔm dɛn Ju Lɔ ticha ɛn dɛn Faresi bin de wach Jizɔs fɔ si if i go mɛn di man di de fɔ pre ɛn blo, so dat dɛn kin blem am na kot.

Jɔn 8:6

Dɛn tɔk dat fɔ yɛri wetin Jizɔs go se, so dat dɛn kin se i nɔ de du rayt. Bɔt Jizɔs bɛn dɔŋ ɛn bigin rayt na grɔn wit in fiŋa.

Jɔn 9:16

Sɔm pan di Faresi dɛn se, “Di pɔsin we du dis nɔ kɔmɔt to Gɔd, bikɔs i nɔ de du wetin di lɔ tɔk bɔt di de we fɔ pre ɛn blo.” Bɔt sɔm ɔda wan dɛn se, “Aw pɔsin we de pan sin go manej du wɔndaful wok lɛkɛ dɛn wan ya?” Dɛn nɔ bin gɛt wanwɔd.