Mak 3:10 - Krio Fɔs Oli Baybul

¹⁰ Jizɔs bin dɔn mɛn plɛnti sikman, so bɔku pipul we sik bin de tray fɔ tɔch am.

Mak 3:10 Iomraidhean Croise

Jɛnɛsis 12:17

Bikɔs di kiŋ tek Seray fɔ bi in wɛf, PAPA GƆD sɛn bad bad sik pan in ɛn di pipul dɛn we de nain os.

Di Nɔmba Dɛm 11:33

Bɔt as dɛn de it am so, bifo dɛn swɛla am sɛf, PAPA GƆD vɛks bad ɛn ib sik pan dɛn.

Matyu 12:15

Wɛn Jizɔs no se dɛn de plan fɔ kil am, i kɔmɔt de; plɛnti pipul fala am go. Jizɔs mɛn ɔl dɛn wan we bin sik,

Matyu 14:14

As Jizɔs kɔmɔt na di bot go na di sho, i mit plɛnti pipul; i sɔri fɔ dɛn ɛn mɛn di sik wan dɛn.

Matyu 14:36

Dɛn beg Jizɔs fɔ mek di sik pipul dɛn tɔch di bɔtɔm pat pan in klos; ɛn ɛni wan we tɔch am, wɛl wantɛm.

Matyu 4:23

Jizɔs go ɔlɔbɔt na Galili de tich pipul na di Ju mitin os dɛn, i tɛl dɛn di Gud Nyuz bɔt di tɛm we Gɔd de kam rul, ɛn i mɛn pipul we gɛt ɔl kayn sik.

Mak 5:34

Jizɔs se, “Mi pikin, bikɔs yu biliv, yu dɔn wɛl, go wit kol at ya, da kayn sik de nɔ go kam pan yu igen.”

Mak 6:56

Ɛni say we Jizɔs go, tɔŋ ɔ vilej, dɛn kin kɛr sik pipul go le dɛn na di ples we pipul de mit, ɛn dɛn kin beg Jizɔs fɔ mek dɛn tɔch di bɔtɔm pat sɛf pan in klos; ɛnibɔdi we tɔch in klos, kin wɛl.

Mak 8:22

Wɛn dɛn rich Bɛtsayda, sɔm pipul kɛr wan blɛnyay man go to Jizɔs.

Lyuk 5:3

Jizɔs go na Saymɔn Pita in bot ɛn tɛl am mek i mek di bot kɔmɔt klos di sho lili bit. Jizɔs sidɔm insay di bot ɛn bigin lan di pipul dɛn.

Lyuk 6:19

Ɔl di pipul dɛn bin de tray fɔ tɔch Jizɔs bikɔs pawa bin de kɔmɔt pan am we mɛn dɛn ɔl.

Lyuk 7:2

Wan bigman we na bin ɔfisa na di Roman ami bin gɛt lɛkɛ wan ɔndrɛd soja man ɔnda am. In bɔy we i bin lɛk bad bin sik sote i want day.

Lyuk 7:21

Da sem tɛm de, Jizɔs bin de mɛn plɛnti pipul; i mek dɛn wan we sik wɛl, i drɛb dɛbul kɔmɔt insay sɔm pipul, ɛn i mek plɛnti dɛn blɛnyay pipul si.

Apɔsul Dɛn Wok 5:15

Wɛn dɛn si di wɔndaful tin dɛn we di apɔsul dɛn bin de du, pipul kɛr dɛn sik pipul go na trit ɛn mek dɛn ledɔm na dɛn bed, so dat we Pita de pas, in shado go go pan sɔm di sik pipul dɛn ɛn mek dɛn wɛl.

Di Ibru Pipul Dɛn 12:6

Bikɔs di pɔsin we di Masta lɛk, nain i de pɔnish, ɛn di pɔsin we di Masta tek fɔ bi in pikin, nain i de bit.”