Mak 2:22 - Krio Fɔs Oli Baybul

²² Ɛn pɔsin nɔ go tek ol tin we dɛn tek bif kanda mek lɛkɛ bɔtul ɛn put nyu wayn insay, if i du dat, di nyu wayn go bɔs di bif kanda ɛn di wayn go wes. Dɛn fɔ put nyu wayn insay nyu bɔtul.”

Mak 2:22 Iomraidhean Croise

Job 32:19

Una lisin, a dɔn rɛdi fɔ tɔk. Mi na lɛk wayn bag we nɔ ebul bia igen, bɔt dɔn rɛdi fɔ bɔs.

Di Sam Dɛm 119:80

Lɛ a obe yu lɔ dɛn wit ɔl mi at, lɛ shem ɛn disgres nɔ mit mi.

Di Sam Dɛm 119:83

Pan ɔl we a tan lɛk udat nɔ woŋo i nɔ waŋa, a nɔ go fɔgɛt yu lɔ dɛn.

Matyu 9:17

Ɛn nɔbɔdi nɔ go tek ol tin we dɛn tek bif kanda mek lɛkɛ bɔtul, put nyu wayn insay, if i du dat, di nyu wayn go bɔs di bif kanda ɛn di wayn go wes. Na nyu bɔtul dɛn go mek wit bif kanda fɔ put nyu wayn, da tɛm de di wayn nɔ go wes ɛn di bif kanda nɔ go pwɛl.”

Mak 2:21

“Nɔbɔdi nɔ go tek nyu pisis fɔ pach in ol klos, bikɔs wɛn di nyu pisis de shrink, i go chɛr di ol klos ɛn di ples we chɛr go big pas aw i bin tan.

Mak 2:23

Wande we fɔ pre ɛn blo, Jizɔs ɛn in lanin bɔy dɛn bin de pas midul wan kɔn fam; wɛn dɛn de go, Jizɔs in lanin bɔy dɛn brok sɔm pan di kɔn.

Jɔshwa 9:13

Dɛn tɛl Jɔshwa dɛn igen se dɛn lɛda bag dɛn we dɛn kin put wayn bin nyu we dɛn bin de put wayn de fɔ kam, bɔt bay di tɛm we dɛn de rich to Jɔshwa dɛn, dɛn ɔl dɔn bɔs bɔs. Dɛn se na bikɔs dɛn kɔmɔt fa mek ɔl dɛn klos ɛn sus dɛn broko broko.

Jɔshwa 9:4

dɛn mek ɔp fɔ ple dɛn kɔni; dɛn pak plɛnti it, chɛr chɛr klos ɛn pach pach lɛda bag we dɛn kin put wayn lɛk udat kɔmɔt fa,