Mak 2:20 - Krio Fɔs Oli Baybul

²⁰ Bɔt di tɛm de kam we pipul go jɔg di ɔkɔ kɔmɔt nain padi dɛn an, na da tɛm de in padi dɛn go kip fast.

Mak 2:20 Iomraidhean Croise

Di Sam Dɛm 45:11

Na di Kiŋ gɛt yu fayn fayn bɔdi naw; yu fɔ du wetin i se ɔltɛm.

Sɔlɔmɔn In Siŋ Dɛm 3:11

Una go, Zayɔn in gyal pikin dɛn, ɛn luk Kiŋ Sɔlɔmɔn, Wit di krawn we in mama krawn am di de we i mared, di de we in at gladi.

Ayzaya 54:5

Bikɔs yu meka na yu man, we na PAPA GƆD Ɔlmayti nain nem; ɛn na di Oli Wan na Izrɛl na yu Ridima, we dɛn kɔl, di Gɔd fɔ di wanol wɔl.

Ayzaya 62:5

Bikɔs, lɛk aw yɔŋnam go mared vajingyal, na so yu bɔypikin dɛn go mared yu, ɛn lɛk aw ɔkɔ kin gladi fɔ yawo, na so yu Gɔd go gladi fɔ yu.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Matyu 26:31

Dɛn Jizɔs tɛl dɛn se, “Dis nɛt una ɔl go lɛf mi, lɛkɛ aw dɛn rayt na Gɔd in Buk se, ‘Gɔd go strayk di shɛpad, mek i day, ɛn ɔl di ship dɛn go skata!’

Matyu 9:15

Jizɔs ansa dɛn se, “Una min se dɛn pipul we dɛn kɔl na mared pati go kray wɛn di ɔkɔ de wit dɛn? Nɔba! Bɔt di tɛm de kam we dɛn go pul di ɔkɔ na dɛn an, na da tɛm de dɛn go kip fast.

Mak 2:19

Jizɔs aks dɛn se, “Una min se, ɔkɔ in padi dɛn kin kip fast we di ɔkɔ de wit dɛn? Wans di ɔkɔ insɛf de wit dɛn, dɛn nɔ go kip fast.

Mak 2:21

“Nɔbɔdi nɔ go tek nyu pisis fɔ pach in ol klos, bikɔs wɛn di nyu pisis de shrink, i go chɛr di ol klos ɛn di ples we chɛr go big pas aw i bin tan.

Lyuk 17:22

Jizɔs tɛl in lanin bɔy dɛn se, “Di tɛm go kam we una go want si Mɔtalman Pikin bad bad, wande sɛf wɛn i kam bak na wɔl, bɔt una nɔ go si am.

Lyuk 5:35

Di tɛm de kam we pipul go kɛr di ɔkɔ go ɛn i nɔ go de wit dɛn igen; na da tɛm de dɛn go fast.”

Jɔn 12:8

Dɛn pipul we nɔ gɛt natin go de wit una ɔltɛm, bɔt mi nɔ go de wit una ɔltɛm.”

Jɔn 13:33

Mi pikin dɛn, a nɔ go de lɔŋ wit una igen, una go luk fɔ mi, bɔt a de tɛl una wetin a bin dɔn tɛl dɛn Ju bigman, ‘Una nɔ go go na di ples we a de go.’

Jɔn 16:28

Na mi Papa a kɔmɔt to kam na wɔl, ɛn naw a de kɔmɔt na di wɔl go bak to mi Papa.”

Jɔn 16:7

Bɔt a de tɛl una se, i go bɛtɛ fɔ una if a go, bikɔs if a nɔ go, di wan we go ɛp una fɔ du wetin Gɔd want nɔ go kam to una. Bɔt if a go, a go sɛn am kam to una.

Jɔn 17:11

Ɛn naw a de kam bak to yu; a nɔ go de na di wɔl igen, bɔt dɛn go stil de na di wɔl. Duya, Papa, yu we na Gɔd ɛn yu we nɔ gɛt natin fɔ du wit sin, kip dɛn mek natin nɔ du dɛn, bay di pawa we de na yu nem, di nem we yu gi mi, so dat dɛn ɔl go bi wan ɛn gɛt wan at lɛkɛ aw mi ɛn yu gɛt wan at.

Jɔn 17:13

Naw a de kam bak to yu, ɛn a de tɔk ɔl dɛn tin ya naw we a de na di wɔl, so dat mi lanin bɔy dɛn go gladi lɛkɛ aw misɛf de gladi, ɛn ɔl di gladi we fɔ de na dɛn at go lib de.

Jɔn 3:29

Na di ɔkɔ gɛt di yawo, bɔt di ɔkɔ in padi we tinap klos dɛn go gladi wɛn i yɛri di ɔkɔ de tɔk. Na dat mek a gladi bad.

Apɔsul Dɛn Wok 1:9

Wɛn Jizɔs tɔk dɔn, aw di apɔsul dɛn de luk am, nain Gɔd tek am go ɔp na ɛvin. Di apɔsul dɛn luk Jizɔs sote i lɔs na di klawd.

Apɔsul Dɛn Wok 14:23

Wɛn dɛn dɔn fas ɛn pre to Gɔd, dɛn pik sɔm bigman dɛn na ɔl dɛn chɔch fɔ du di wok, dɛn lɛf dɛn na di Masta, we dɛn biliv, in an.

Apɔsul Dɛn Wok 3:21

Jizɔs fɔ de na ɛvin sote Gɔd dɔn du ɔltin lɛkɛ aw in prɔfɛt dɛn bin dɔn tɔk lɔntɛm.

1 Kɔrint 7:5

Uman nɔ fɔ ɛva rifyuz in man, semwe so di man sɛf nɔ fɔ ɛva rifyuz in wɛf, pas nɔmɔ dɛn tu gri se dɛn nɔ fɔ gɛt ɛnitin fɔ du wit dɛn kɔmpin dɛn tɛm we dɛn want pre; bɔt we dɛn tɛm de dɔn pas, dɛn fɔ stat fɔ liv bak lɛkɛ aw mare du man ɛn maredman fɔ liv, if nɔ so, we dɛn nɔ go ebul kɔntrol dɛnsɛf, Setan go mek dɛn sin wɛn i kam fɔ tray dɛn.

2 Kɔrint 11:2

A de jɛlɔs fɔ una lɛkɛ aw Gɔd insɛf de jɛlɔs fɔ wi; una na lɛkɛ uman we nɔ no man we a dɔn prɔmis to wangren man, dat na Krays.

2 Kɔrint 11:27

A dɔn du traŋa wok; plɛnti tɛm sɛf a nɔba slip; a kin aŋri; a kin tɔsti; sɔntɛm it nɔba de fɔ mi; klos nɔba de fɔ wɛr; ples nɔba de fɔ tap.

2 Kɔrint 6:5

wɛn pipul bit wi, wɛn wi go jel, wɛn strayk bɔs pan wi, wɛn wi wok te wi nɔ ebul igen, wɛn wi nɔ de slip ɛn wɛn wi nɔ gɛt tin fɔ it.

Rɛvɛleshɔn 19:7

Lɛ wi gladi ɛn fɔdɔm bifo Gɔd ɛn prez am, bikɔs na big Gɔd! Di tɛm fɔ mek di Ship mared dɔn kam, ɛn in yawo dɔn drɛs de wet am.

Rɛvɛleshɔn 21:9

Wan pan dɛn sɛvin enjɛl dɛn we bin gɛt dɛn sɛvin kɔp we dɛn sɛvin bad bad tin dɛn we bin gɛt fɔ fɔdɔm pan di wɔl bifo di wɔl dɔn, bin de insay, kam tɔk to mi, i se, “Kam mek a sho yu di Ship in yawo.”