Mak 2:18 - Krio Fɔs Oli Baybul

¹⁸ Tɛm bin de we Jɔn in lanin bɔy dɛn ɛn di Faresi dɛn bin de kip fast. Sɔm pipul kam aks Jizɔs se, “Wetin mek Jɔn in lanin bɔy dɛn ɛn di Faresi dɛn de kip fast, bɔt yu yon lanin bɔy dɛn nɔ de kip fast?”

Mak 2:18 Iomraidhean Croise

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Matyu 6:18

so dat ɔda pipul nɔ go no se una de fast. Na una Papa nɔmɔ, we pipul nɔ de si, de si wetin una de du sikrit wan, ɛn i go gi una di pe we una fɔ gɛt.

Mak 2:19

Jizɔs aks dɛn se, “Una min se, ɔkɔ in padi dɛn kin kip fast we di ɔkɔ de wit dɛn? Wans di ɔkɔ insɛf de wit dɛn, dɛn nɔ go kip fast.

Lyuk 18:12

A de fast tu tɛm ɛvri wik, a de sheb ɔltin we a gɛt tɛn ɛn gi yu wan pat.’

Lɛta Fɔ Rom 10:3

Dɛn nɔ bin ɔndastand aw Gɔd de mek ɔltin rayt bitwin in ɛn pipul, ɛn dɛn bin de tray fɔ fɛn dɛn yon we fɔ mek ɔltin rayt bitwin dɛn ɛn Gɔd; so dɛn nɔ bin gri fala Gɔd in yon we fɔ mek ɔltin rayt bitwin in ɛn dɛn.