Mak 2:15 - Krio Fɔs Oli Baybul

¹⁵ Wɛn Jizɔs ɛn in lanin bɔy dɛn bin de it na Livay in os, plɛnti pipul we bin de gɛda taks ɛn sɔm dɛn Ju pipul we dɛn Ju bigman nɔ bin lɛk bikɔs dɛn bin tink se dɛn nɔ de kip di Ju Lɔ gud gud, bin sidɔm de it wit Jizɔs ɛn in lanin bɔy dɛn, bikɔs dɛn ɔl bin de fala Jizɔs.

Mak 2:15 Iomraidhean Croise

Matyu 5:46

Us bɛnifit una go gɛt if na dɛn pipul we lɛk una nɔmɔ una lɛk? Dɛn pipul we de gɛda taks sɛf de du di sem tin.

Mak 2:14

Afta dat, Jizɔs bigin waka go; as i de go, i si wan man we de gɛda taks. Di man bin nem Livay ɛn na bin Alfiɔs in pikin. Livay bin sidɔm insay in ɔfis. Jizɔs tɔk to am, i se, “Kam fala mi!” I grap ɛn fala Jizɔs.

Mak 2:16

Wɛn dɛn Ju Lɔ ticha we na Faresi si se Jizɔs de it wit dɛn pipul ya, dɛn go aks in lanin bɔy dɛn se, “Wetin du Jizɔs de it wit dɛn kayn pipul ya?”

Lyuk 15:1

Dɛn pipul we de gɛda taks ɛn dɛn ɔda pipul we di Ju pipul dɛn nɔba miks wit bikɔs dɛn tink se dɛn nɔ de kip di Ju Lɔ aw dɛn fɔ kip am, bin de kam fɔ yɛri wetin Jizɔs de tɔk.

Lyuk 6:17

Wɛn Jizɔs kɔmɔt ɔp di il kam dɔŋ wit in apɔsul dɛn, i go tinap na di lɛvul grɔn wit plɛnti in ɔda lanin bɔy dɛn. Plɛnti pipul bin kam gɛda de, sɔm pan dɛn pipul ya bin kɔmɔt Judia, sɔm bin kɔmɔt Jerusɛlɛm, ɛn sɔm bin kɔmɔt na dɛn tɔŋ we de klos di wata na Taya ɛn Saydɔn.