Mak 2:12 - Krio Fɔs Oli Baybul

¹² Aw ɔlman de luk, di man grap wantɛm, tek in mata ɛn waka go. Ɔlman wɔnda ɛn prez Gɔd. Dɛn se, “Wi nɔba si tin lɛkɛ dis wande!”

Mak 2:12 Iomraidhean Croise

Matyu 12:23

Di mɛn we Jizɔs mɛn di man mek ɔlman wɔnda. Dɛn se, “Fɔ se dis man na Devid in pikin?”

Matyu 15:31

Di pipul dɛn wɔnda wɛn dɛn yɛri mumu de tɔk; wɛn dɛn si dɛn wan we nɔ bin ebul waka, de waka; wɛn dɛn si se dɛn wan we dɛn an ɔ fut bin day, dɔn wɛl; ɛn dɛn wan we bin blɛn, de si. Dɛn prez di Gɔd we di pipul dɛn na Izrɛl de pre to.

Matyu 9:33

Jɛs Jizɔs drɛb di dɛbul kɔmɔt insay di man so, nain di man bigin tɔk, ɛn ɔlman wɔnda, dɛn se, “Wi nɔ si tin lɛkɛ dis na Izrɛl wande!”

Matyu 9:8

Wɛn di pipul dɛn si wetin bi, dɛn fred ɛn prez Gɔd fɔ we i gi mɔtalman da pawa de.

Mak 1:27

Ɔl di pipul dɛn we bin lib de wɔnda sote dɛn bigin aks dɛn kɔmpin se, “Wetin dis? Na nyu tin i de lan wi! Dis man gɛt pawa fɔ tɛl dɛbul wetin dɛn fɔ du ɛn dɛn de du am!”

Mak 2:11

“Grap, tek yu mata, go na yu os!”

Lyuk 13:13

Jizɔs tɔch di uman ɛn wantɛm wantɛm so di uman in bak tret ɛn i bigin tɛl Gɔd tɛnki ɛn prez am.

Lyuk 17:15

Wan pan dɛn, wɛn i si se in dɔn wɛl, i tɔn bak go mit Jizɔs. I bin de ala big wande prez Gɔd ɛn tɛl am tɛnki.

Lyuk 5:26

Ɔlman wɔnda, dɛn fred, so dɛnsɛf bigin fɔ prez Gɔd. Dɛn se, “Wi dɔn si wɔnda tide!”

Lyuk 7:16

Ɔl di pipul dɛn fred ɛn bigin prez Gɔd. Dɛn se, “Wi dɔn si prɔfɛt we gɛt pawa! Gɔd dɔn kam fɔ sev in pipul dɛn!”

Jɔn 7:31

Bɔt plɛnti pipul we bin de na di krawd biliv pan Jizɔs, dɛn se, “Wɛn di Mɛsaya kam, una tink se i go du wɔndaful wok dɛn pas dɛn wan we dis man ya dɔn du?”

Jɔn 9:32

Frɔm we Gɔd mek di wɔl, nɔbɔdi nɔ yɛri wande se, dɛn dɔn mɛn pɔsin we bɔn blɛn.

Apɔsul Dɛn Wok 4:21

Di bigman dɛn na di Ju gran kot wɔn dɛn traŋa wan bak ɛn lɛf dɛn fɔ go. Dɛn nɔ du dɛn natin, bikɔs ɔl di pipul dɛn we bin lib de bin de tɛl Gɔd tɛnki fɔ wetin bin jɛs bi.