Mak 16:6 - Krio Fɔs Oli Baybul

⁶ Di man se, “Una nɔ fred! Na Jizɔs we kɔmɔt Nazarɛt, we dɛn bin nel pan di krɔs una kam luk fɔ. I nɔ de ya, i dɔn rayz frɔm di grev. Una luk di ples we dɛn bin le am.

Mak 16:6 Iomraidhean Croise

Di Sam Dɛm 71:20

Pan ɔl we yu gri mek bɔku waala mit mi we mek layf bita, yu go mek mi layf swit bak; yu nɔ go mek a day yet.

Prɔvabs 8:17

A lɛk dɛn wan we lɛk mi, udat de luk fɔ mi go si mi.

Matyu 12:40

Lɛkɛ aw prɔfɛt Jona bin de tri de ɛn nɛt na di big fish in bɛlɛ, na so dɛn go bɛr Mɔtalman Pikin, ɛn i go de tri de ɛn nɛt ɔnda di grɔn.

Mak 1:24

“Jizɔs we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.”

Mak 1:27

Ɔl di pipul dɛn we bin lib de wɔnda sote dɛn bigin aks dɛn kɔmpin se, “Wetin dis? Na nyu tin i de lan wi! Dis man gɛt pawa fɔ tɛl dɛbul wetin dɛn fɔ du ɛn dɛn de du am!”

Mak 10:34

Di pipul dɛn go masaka am, dɛn go pit pan am ɛn kil am, bɔt i go rayz frɔm di grev di de we mek tri.”

Mak 14:33

Jizɔs mek Pita, Jems ɛn Jɔn fala am go. In at bin ful, i bin ebi.

Mak 9:15

Wɛn di pipul dɛn si Jizɔs, dɛn ɔl wɔnda bad, dɛn rɔn go mit am ɛn tɛl am kabɔ.

Lyuk 24:46

I tɛl dɛn se, “Dɛn rayt se di Mɛsaya gɛt fɔ sɔfa ɛn i go rayz frɔm di grev di de we mek tri.

Apɔsul Dɛn Wok 2:24

Bɔt Gɔd wek Jizɔs we bin dɔn day ɛn mek am rayz frɔm di grev; i nɔ mek day mek i sɔfa igen bikɔs day nɔ bin gɛt pawa fɔ mek i nɔ rayz igen.

Apɔsul Dɛn Wok 4:10

wɛl, a gladi fɔ tɛl una ɛn ɔl di pipul dɛn na Izrɛl se una bin kil Jizɔs we kɔmɔt Nazarɛt ɛn una nel am na di krɔs, bɔt Gɔd mek i rayz frɔm di grev. Nain pawa mek dis man ya we nɔ bin ebul waka, wɛl gud fashin.