Mak 16:17 - Krio Fɔs Oli Baybul

¹⁷ Dɛn pipul we biliv di Gud Nyuz, a go gi dɛn pawa fɔ du wɔndaful wok: dɛn go drɛb dɛbul fɔseka mi; dɛn go tɔk laŋwej we dɛn nɔ lan;

Mak 16:17 Iomraidhean Croise

Mak 9:38

Jɔn se, “Ticha, wi si wan man de tek yu nem drɛb dɛbul. Wi tɛl am mek i lɛf fɔ du dat, bikɔs i nɔ de wit wi.”

Lyuk 10:17

Di sɛvinti tu man dɛn kam bak wit gladi ɛn tɛl Jizɔs se, “Masta, dɛn dɛbul sɛf du wetin wi tɛl dɛn fɔ du wɛn wi kɔl yu nem!”

Jɔn 14:12

A de tɛl una se, ɛnibɔdi we biliv pan mi, go du di wɔndaful wok dɛn we a dɔn du, ɛn i go du wɔndaful wok dɛn pas dɛn wande sɛf, bikɔs a de go to mi Papa.

Apɔsul Dɛn Wok 10:46

Dɛn yɛri dɛn pipul we nɔto Ju de tɔk difrɛn difrɛn laŋwej dɛn ɛn prez Gɔd. Nain Pita tɔk se,

Apɔsul Dɛn Wok 16:18

Di titi kin de du dis sem tin ɛvri de. I du am sote Pɔl tɔmɛnt. Pɔl tɔn to di slev titi ɛn tɛl di dɛbul we bin de insay am se, “Dɛbul, bay Jizɔs Krays in pawa, kɔmɔt insay dis titi ya!” Da sem tɛm de, di dɛbul kɔmɔt insay am.

Apɔsul Dɛn Wok 19:6

Pɔl put in an na dɛn ed ɛn Gɔd in Spirit kam pan dɛn. Di pipul dɛn bigin tɔk dɛn laŋwej we dɛn nɔ lan ɛn dɛn tɔk wetin Gɔd tɛl dɛn fɔ tɔk.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Apɔsul Dɛn Wok 5:16

Plɛnti pipul kɔmɔt ɔlɔbɔt na dɛn tɔŋ we de klos Jerusɛlɛm, dɛn briŋ sik pipul ɛn dɛn pipul we gɛt dɛbul kam to di apɔsul dɛn ɛn di apɔsul dɛn mɛn dɛn ɔl.

Apɔsul Dɛn Wok 8:7

Dɛn dɛbul kin ala lawd wan we dɛn de kɔmɔt insay pipul. Plɛnti pipul we nɔ bin ebul waka, bigin waka.

1 Kɔrint 12:10

Di sem Spirit de gi wan pɔsin pawa fɔ du wɔndaful wok; i de gi ɔda wan pawa fɔ tɔk Gɔd in wɔd; i de mek ɔda wan ebul no if na Gɔd in Spirit ɔ na bad spirit de mek di pɔsin tɔk wetin i de tɔk; i de mek ɔda pɔsin ebul tɔk laŋwej we insɛf nɔ ɔndastand; ɛn i de mek ɔda pɔsin ebul fɔ ɛksplen wetin da pɔsin de de tɔk.

1 Kɔrint 12:28

Na so i bi na di chɔch: fɔs, Gɔd put dɛn apɔsul; sɛkɛn, dɛn prɔfɛt; tɔd, dɛn ticha; dɛn i put dɛn wan we de du wɔndaful wok bay in pawa; afta dɛn i put dɛn wan we i gi pawa fɔ mɛn sik pipul; dɛn i put dɛn wan we i gi pawa fɔ ɛp ɔda pipul; dɛn wan we i gi pawa fɔ tɛl pipul wetin dɛn fɔ du; ɛn dɛn wan we i gi pawa fɔ tɔk dɛn laŋwej we dɛnsɛf nɔ ɔndastand.

1 Kɔrint 12:30

ɔ fɔ mɛn sik pipul, ɔ fɔ tɔk dɛn laŋwej we dɛnsɛf nɔ ɔndastand, ɔ fɔ ɛksplen wetin dɛn de tɔk.

1 Kɔrint 13:1

If a sabi tɔk ɔl dɛn laŋwej we mɔtalman de tɔk ɛn we enjɛl sɛf de tɔk, ɛn a nɔ lɛk mi kɔmpin mɔtalman, di tin we a de tɔk go jɛs tan lɛkɛ wɛn pɔsin de bit pan ɔ wɛn bɛl de riŋ lawd lawd wan.

1 Kɔrint 14:2

Di pɔsin we ebul tɔk laŋwej we insɛf nɔ ɔndastand, nɔ de tɔk to in kɔmpin mɔtalman, na Gɔd i de tɔk to bikɔs in kɔmpin mɔtalman nɔ de ɔndastand am. Bay di pawa we Gɔd in Spirit gi am, i de tɔk dɛn tru tin we pipul nɔ no.