Mak 16:16 - Krio Fɔs Oli Baybul

¹⁶ Ɛnibɔdi we biliv di Gud Nyuz ɛn gri fɔ mek dɛn baptayz am, Gɔd go sev am. Bɔt ɛnibɔdi we nɔ biliv di Gud Nyuz, Gɔd go kɔndɛm am.

Mak 16:16 Iomraidhean Croise

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Mak 1:15

I bin de se, “Di tɛm dɔn rich. Di tɛm we Gɔd go rul wi, dɔn kam klos. Una tap fɔ du dɛn bad tin we una de du ɛn biliv di Gud Nyuz.”

Lyuk 8:12

Dɛn sid we fɔdɔm na di rod na dɛn pipul we yɛri Gɔd in wɔd; Setan kam pul di wɔd kɔmɔt na dɛn at fɔ mek dɛn nɔ go biliv Gɔd we de sev dɛn.

Jɔn 20:31

Dɛn rayt dɛn tin we de na dis buk fɔ mek una biliv se Jizɔs na di Mɛsaya, Gɔd in Pikin; ɛn if una biliv pan am, una go gɛt tru layf.

Jɔn 3:36

Ɛnibɔdi we biliv pan Gɔd in Pikin go gɛt layf we go de sote go; bɔt ɛnibɔdi we nɔ du wetin Gɔd in Pikin se, nɔ go gɛt di tru layf we de sote go, ɛn Gɔd go stil de pɔnish am.

Jɔn 3:5

Jizɔs se, “A de tɛl yu se, nɔbɔdi nɔ go kam ɔnda Gɔd in rul pas di pɔsin bɔn wit wata ɛn wit Gɔd in Spirit.

Jɔn 5:24

“A de tɛl una se, ɛnibɔdi we yɛri mi wɔd ɛn biliv pan di wan we sɛn mi kam na wɔl, dɔn bigin liv di tru layf we go de sote go. Gɔd nɔ go jɔj am, i tan lɛkɛ pɔsin we bin dɔn day, bɔt i dɔn gɛt tru layf naw.

Jɔn 6:29

Jizɔs ansa dɛn se, “Di tin we Gɔd want una fɔ du nain dis: una fɔ biliv pan di wan we Gɔd sɛn kam na wɔl.”

Jɔn 6:35

Jizɔs ansa dɛn se, “Mi na di bred we de gi layf, ɛnibɔdi we kam to mi ɛn biliv pan mi nɔ go aŋri, ɛn i nɔ go tɔsti igen.

Jɔn 6:40

Wetin mi Papa want, na fɔ mek ɔlman we no in Pikin ɛn biliv pan am gɛt layf we go de sote go. Ɛn a go mek dɛn ɔl rayz frɔm di grev ɛn gi dɛn di tru layf, di de we Gɔd go jɔj ɔlman.”

Jɔn 8:24

Na dat mek a tɛl una se, una go day wit ɔl una sin. Ɛn una go day wit una sin, if una nɔ biliv se ‘Mi na di pɔsin we a bi.’”

Apɔsul Dɛn Wok 10:43

Ɔl dɛn prɔfɛt bin tɔk bɔt Jizɔs se if ɛnibɔdi biliv pan am, Gɔd go padin da pɔsin de fɔ di bad tin dɛn we i du, bay di pawa we de na Jizɔs in nem.”

Apɔsul Dɛn Wok 13:46

Pɔl ɛn Banabas nɔ fred fɔ tɔk; dɛn se, “Wi bin gɛt fɔ tɛl una dɛn Ju pipul bɔt Gɔd bifo wi tɛl dɛn pipul we nɔto Ju. We una nɔ gri biliv pan am, una dɔn kɔndɛm unasɛf se una nɔ fit fɔ gɛt layf sote go. Na dat mek wi de tɛl dɛn pipul we nɔto Ju bɔt Gɔd naw.

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Apɔsul Dɛn Wok 2:41

Plɛnti pipul we yɛri wetin Pita tɔk biliv pan Jizɔs ɛn di apɔsul dɛn baptayz tri tawzin pipul.

Apɔsul Dɛn Wok 22:16

Wetin yu de wet naw? Grap, mek dɛn baptayz yu, ɛn pre to di Masta mek Gɔd go pul yu pan di bad tin dɛn we yu de du.’

Lɛta Fɔ Rom 3:6

Dat nɔto tru! If Gɔd nɔ de du rayt, aw i go jɔj mɔtalman?

Lɛta Fɔ Rom 4:24

Na fɔ wisɛf we Gɔd go luk se na pipul we de waka tret if wi biliv pan am. Nain mek wi Masta, Jizɔs rayz frɔm di grev.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Sɛkɛn Lɛta Fɔ Tɛsalonayka 2:12

Ɛn na dat mek Gɔd go kɔndɛm dɛn pipul we gladi fɔ de sin ɛn we nɔ biliv di tru wɔd bɔt wi Masta Jizɔs.

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”