Mak 16:10 - Krio Fɔs Oli Baybul

¹⁰ Meri go mit di pipul dɛn we bin de wit Jizɔs, ɛn tɛl dɛn ɔl wetin bi; da tɛm de dɛn bin stil de kray fɔ Jizɔs.

Mak 16:10 Iomraidhean Croise

Matyu 19:22

Wɛn di yɔŋman yɛri wetin Jizɔs tɔk, in at pwɛl wɛn i lɛf Jizɔs de go, bikɔs i bin jɛntri bad.

Matyu 24:30

Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.

Matyu 9:15

Jizɔs ansa dɛn se, “Una min se dɛn pipul we dɛn kɔl na mared pati go kray wɛn di ɔkɔ de wit dɛn? Nɔba! Bɔt di tɛm de kam we dɛn go pul di ɔkɔ na dɛn an, na da tɛm de dɛn go kip fast.

Mak 14:72

Wantɛm, fɔl kro sɛkɛn tɛm. Pita mɛmba wetin Jizɔs bin tɛl am. Jizɔs bin tɔk se, “Yu go se yu nɔ no mi tri tɛm bifo fɔl kro tu tɛm.” Pita bɔs kray.

Lyuk 24:17

Jizɔs aks dɛn se, “Wetin una de tɔk bɔt naw we una de waka go?” Di tu man dɛn jɛs tinap saful, dɛn at pwɛl.

Jɔn 16:6

Naw we a dɔn tɛl una ɔl dɛn tin ya, una at ebi.

Jɔn 20:18

So Meri we kɔmɔt Magdala tɔn bak go tɛl di lanin bɔy dɛn se in dɔn si di Masta, ɛn i tɛl dɛn ɔl wetin Jizɔs tɛl am.