Mak 16:1 - Krio Fɔs Oli Baybul

¹ Wɛn di de fɔ pre ɛn blo pas, Meri we kɔmɔt Magdala, Meri we na Jems in mama, ɛn Salomi, bay spays we gɛt fayn sɛnt ɛn kɛr am go fɔ rɔb pan Jizɔs in bɔdi.

Mak 16:1 Iomraidhean Croise

Jɛnɛsis 50:2

Dɔn, i gi ɔda to di dɔkta dɛn we de wok fɔ am fɔ ɛmbam di bɔdi.

2 Kronikuls 16:14

Dɛn bɛr am na di grev we i bin dɔn dig fɔ insɛf insay Devid in siti. Dɛn le am na biara we dɛn ful wit difrɛn kayn pafyum we na di masta sabi pipul dɛn pan pafyum bizs bin mek; ɛn dɛm mek big bɔnfaya fɔ ɔna am.

Mak 14:3

Jizɔs bin de na Bɛtani na Saymɔn in os, da Saymɔn we bin gɛt bad sik nain skin. As Jizɔs de it, nain wan uman kam wit sɛnt insay wan bɔtul we dɛn tek ala ba sta ston mek. Di sɛnt we bin de insay di bɔtul na bin dia dia sɛnt we dɛn tek nad mek, dɛn nɔ bin miks am wit ɛni ɔda plant. Di uman brok di bɔtul in mɔt ɛn tɔn di sɛnt pan Jizɔs in ed.

Mak 14:8

Di uman dɔn du ɔl wetin i ebul du fɔ mi, i dɔn tɔn sɛnt pan mi fɔ mek mi bɔdi rɛdi fɔ di bɛr we dɛn go bɛr mi.

Mak 15:40

Sɔm uman dɛn bin tinap fawe de luk. Sɔm pan di wan dɛn we bin lib de na Meri we kɔmɔt Magdala, Meri we na smɔl Jems ɛn in brɔda Josis dɛn mama, ɛn Salomi.

Mak 15:42

Di tɛm bin dɔn rich fɔ di Ju pipul dɛn fɔ rɛdi fɔ di de fɔ pre ɛn blo. So ivintɛm, Josɛf we kɔmɔt na wan tɔŋ we nem Arimatia, nɔ fred fɔ go aks Paylet fɔ gi am Jizɔs in bɔdi. Josɛf na bin bigman na di Ju gran kot ɛn di pipul dɛn bin rɛspɛkt am; insɛf bin de luk fɔ di tɛm we Gɔd go kam rul di wɔl.

Mak 15:47

Meri we kɔmɔt Magdala ɛn Meri we na Josis in mama bin de luk usay dɛn de bɛr Jizɔs.

Mak 16:2

Ali Sɔnde mɔnin bifo san kɔmɔt, dɛn tri uman ya go na di ston grev.

Mak 16:8

Di uman dɛn kɔmɔt na di grev ɛn rɔn go to di lanin bɔy dɛn; na so dɛn bin de trimbul, bikɔs dɛn bin de fred. Di fred we dɛn bin de fred mek dɛn nɔn nɔ ebul tɔk sɛf we dɛn de go. [

Lyuk 23:54

Dat bi di de we dɛn de rɛdi fɔ di de fɔ pre ɛn blo.

Lyuk 23:56

dɛn tɔn bak fɔ go tek spays ɛn sɛnt fɔ kam put dɛn pan di bɔdi. Na bin di de fɔ pre ɛn blo, so dɛn du lɛkɛ aw di Ju Lɔ se, dɛn blo.

Lyuk 24:1

Ali Sɔnde mɔnin bifo do klin, di uman dɛn bin dɔn rich na di grev. Dɛn kɛr di spays we dɛn bin dɔn miks rɛdi.

Jɔn 19:25

Di pipul dɛn we bin tinap klos Jizɔs in krɔs na: in mama, in mama in sista, Meri we na bin Klo pas in wɛf, ɛn Meri we bin kɔmɔt Magdala.

Jɔn 19:31

Na bin Frayde; di Ju bigman dɛn nɔ bin want di bɔdi dɛn fɔ de pan dɛn krɔs di de fɔ pre ɛn blo, bikɔs da de de na bin big de, so dɛn go aks Paylet fɔ mek dɛn brok di man dɛn fut ɛn pul dɛn kɔmɔt na dɛn krɔs.