Mak 15:15 - Krio Fɔs Oli Baybul

¹⁵ So fɔ mek di pipul dɛn gladi, Paylet fri Barabas. I mek di soja man dɛn bit Jizɔs, dɔn i lɛf am gi dɛn fɔ mek dɛn nel am pan di krɔs.

Mak 15:15 Iomraidhean Croise

Jɔn 19:1

Paylet tɛl di soja man dɛn fɔ kɛr Jizɔs go bit am.

Matyu 27:26

So Paylet fri Bara bas bikɔs na dat di pipul dɛn bin want. Wɛn i dɔn mek di soja man dɛn bit Jizɔs, i an am ova gi dɛn fɔ mek dɛn nel am pan di krɔs.

Ayzaya 50:6

A bin gi mi bak to di wan dɛn we de bit, ɛn mi jɔ to di wan dɛn we bin de pul di biabia; A nɔ bin ayd mi fes se a de shem, ɛn sɛf we dɛn bin de pit pan mi.

Mak 10:34

Di pipul dɛn go masaka am, dɛn go pit pan am ɛn kil am, bɔt i go rayz frɔm di grev di de we mek tri.”

Prɔvabs 29:25

I nɔ fayn fɔ lɛ yu de mɛmba tumɔs bɔt wetin pipul de tink bɔt yu, wans yu put yu trɔs pan PAPA GƆD, yu sef.

Di Sam Dɛm 129:3

Dɛn bit kanda rɛs na mi bak ɛn mek a sɔfa.”

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Jɔn 19:16

Nain Paylet an Jizɔs gi dɛn, mek dɛnsɛf go nel am pan di krɔs. So dɛn tek Jizɔs kɛr am go ɔda say.

Di Sam Dɛm 57:11

PAPA GƆD we de na ɛvin, sho di wanol wɔl aw wɔndaful yu bi.

Lɛta Fɔ Galeshya 1:19

Na Jems we na Masta Jizɔs in brɔda ɛn Pita nɔmɔ a mit de, a nɔ bin si ɔda apɔsul dɛn.

Apɔsul Dɛn Wok 25:9

Fɛstɔs bin want fɔ mek di Ju pipul dɛn lɛk am so i aks Pɔl se, “Yu go want lɛ dɛn kɛr yu go Jerusɛlɛm, mek a go tɔk di kes de?”

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

Lyuk 18:33

Dɛn go bit am, dɔn dɛn go kil am, bɔt Mɔtalman Pikin go rayz frɔm di grev di de we mek tri.”

Matyu 20:19

Afta dat, dɛn go an am ova gi di Roman bigman dɛn we de na Jerusɛlɛm. Di pipul dɛn we lib de go laf am, bit am ɛn nel am pan krɔs; bɔt i go rayz frɔm di grev di de we mek tri.”

Mak 15:14

Paylet se, “Wetin du? Wetin i du we bad?” Na da tɛm de dɛn ala big big wan pas aw dɛn bin ala fɔs, se, “Nel am pan di krɔs!”

Lyuk 23:16

A go jɛs mek dɛn bit am nɔmɔ, ɛn lɛf am lɛ i go.” [